मुंबई : बॉलिवूडचा खिलाडी अर्थात अभिनेता अक्षय कुमारला त्याच्या आगामी 'भूत बंगला'(Bhooth Bangla) या हॉरर-कॉमेडी सिनेमाच्या शूटिंगदरम्यान स्टंट करताना दुखापत झाली. सिनेमाच्या निर्मात्यांनी गुरुवारी म्हणजेच ९ एप्रिल २०२६ रोजी शेअर केलेल्या एका Behind The Scenes व्हिडिओमध्ये, अक्षय ॲक्शन सीन करताना दिसतोय. आपले अनेक स्टंट्स स्वतःच करण्यासाठी ओळखणारा जाणारा अभिनेता अक्षय कुमार (Akshay Kumar) या व्हिडिओमध्ये, हवेत उडी मारून 'जंप किक' मारताना दिसतोय. मात्र, जमिनीवर उतरताना त्याचा पाय घसरला आणि तो खाली पडला. यावेळी अक्षयला दुखापत झाली.
अक्षयनं केवळ 'व्हिज्युअल इफेक्ट्स' किंवा कृत्रिम तंत्रज्ञानावर अवलंबून राहण्यापेक्षा, प्रत्यक्ष स्टंट्स स्वतःच करण्याच्या आपल्या पसंदीबद्दल नुकताच भाष्य केलं होतं. अक्षय म्हणालेला की, VFX किंवा AI चा अतिवापर केल्यास ॲक्शन सीनचा खरेपणा आणि त्यातील थरार कमी होऊ शकतो. तसेच, प्रत्यक्ष स्टंट्समुळे प्रेक्षकांना त्या सादरीकरणामागे घेतलेले कष्ट खऱ्या अर्थाने अनुभवता येतात, असेही यावेळी तो म्हणाला.
या सिनेमात अक्षयबरोबरच परेश रावल, असरानी, राजपाल यादव, तब्बू आणि वामिका गब्बी हे कलाकारही महत्त्वाच्या भूमिकेत झळकणार आहेत. 'भूत बंगला' सिनेमाच्या प्रदर्शनाची तारीख नुकताच पुढे ढकलण्यात आली असून सुरुवातीला हा सिनेमा १० एप्रिल २०२६ रोजी रिलीज होणार होता, परंतु आता हा सिनेमा १६ एप्रिल २०२६ रोजी रिलीज होणार आहे.
#AkshayKumar sir injured himself on the set of #BhoothBangla while filming his action scenes.#BhoothBangla has many secrets and thrilling scenes…. Just wait till the release 🔥💥
“IT HAS MANY LAYERS” 💥🔥 pic.twitter.com/GCJoOS386A — Akkian by heart (Viratian by Dil) (@DevoteeAkki) April 9, 2026
या सिनेमाबद्दल इन्स्टाग्रामवर माहिती देत एकता कपूरनं लिहिलं की, 'आमचे डिस्ट्रिब्युटर्स आणि सिनेमागृह मालकांशी एकत्रित चर्चा केल्यानंतर, आम्ही 'भूत बंगला'च्या प्रदर्शनासाठी १६ एप्रिल २०२६ ही नवीन तारीख निश्चित केली असून या दिवशी रात्री ९ वाजता सिनेमाचा पहिला शो सुरू होईल. 'धुरंधर: द रिव्हेंज' हा सिनेमा अत्यंत उत्कृष्ट कामगिरी करत असल्याची बातमी खूप चांगली आहे. या बदलामुळे दोन्ही सिनेमांना प्रसिद्धी मिळवता येईल.'
मुंबई : रणवीर सिंहच्या धुरंधर सिनेमानं जगभरात धुमाकूळ घातला असून सिनेमा रिलीज होऊन २१ दिवस उलटले असतानाही सिनेमागृहातील गर्दी कमी होण्याचं नाव घेत ...
'भूत बंगला' सिनेमा 'बालाजी मोशन पिक्चर्स' आणि 'केप ऑफ गुड फिल्म्स' यांच्या संयुक्त विद्यमानं सादर करण्यात आला असून सिनेमाची निर्मिती अक्षय कुमार, शोभा कपूर आणि एकता कपूर यांनी केली आहे. तसेच सिनेमाचं दिग्दर्शन प्रियदर्शन यांनी केलं आहे. येत्या १६ एप्रिल २०२६ रोजी भूत बंगला सिनेमा सर्वत्र प्रदर्शित होणार आहे.
