सोन्या-चांदीच्या दरात आज पुन्हा एकदा मोठी घसरण नोंदवली गेल्याने सराफा बाजारात आश्चर्याचे वातावरण निर्माण झाले आहे. काल अमेरिकेकडून शस्त्रसंधीची घोषणा झाल्यानंतर सोन्या-चांदीच्या दरात मोठी वाढ झाली होती. मात्र अवघ्या २४ तासांतच दरात झालेल्या या घसरणीमुळे बाजारातील अनिश्चितता पुन्हा वाढली आहे.
तज्ज्ञांच्या मते, काल दरात झालेल्या मोठ्या वाढीनंतर गुंतवणूकदारांनी मोठ्या प्रमाणात नफा वसुली केली, ज्यामुळे आज दरांवर दबाव आला. तसेच शस्त्रसंधीची घोषणा झाल्यानंतरही इराणकडून सावध भूमिका घेतली जात असल्याने जागतिक पातळीवर अनिश्चितता कायम आहे.
जागतिक घडामोडी, गुंतवणूकदारांची बदलती भूमिका आणि बाजारातील अस्थिरता यामुळे सोन्या-चांदीच्या दरात सध्या मोठे चढ-उतार सुरू आहेत. येत्या काही दिवसांतही हा कल कायम राहण्याची शक्यता तज्ज्ञांनी व्यक्त केली आहे.
