मुंबई : रणवीर सिंहच्या धुरंधर सिनेमानं जगभरात धुमाकूळ घातला असून सिनेमा रिलीज होऊन २१ दिवस उलटले असतानाही सिनेमागृहातील गर्दी कमी होण्याचं नाव घेत नाहीये. बॉक्स ऑफिसवरील रेकॉर्ड मोडून काढणारा हा सिनेमा सर्वात कमी वेळात १००० कोटींचा नेट आकडा गाठणारा एकमेव भारतीय सिनेमा ठरला आहे. हा सिनेमा अनेकांनी एकापेक्षा जास्त वेळा थिएटरमध्ये जाऊन पाहिला आहे. अशातच आता या धुरंधर २ सिनेमाच्या ओटीटी रिलीजसाठी प्रेक्षक उत्सुक झाले आहेत. जर तुम्हीलाही हा सिनेमा ओटीटीवर पाहायचा असेल, तर ही बातमी तुमच्यासाठी आनंदाची बातमी आहे.
या सिनेमानं जागतिक पातळीवर १६६० कोटींहून अधिक कलेक्शन केलं असून धुरंधर २ नं भारतात १२०० कोटींचा गल्ला पार केला आहे. इतकं मोठं कलेक्शन करून धुरंधर २ पहिल्या भागापेक्षाही सुपरहिट ठरला आहे. १९ मार्चला रिलीज झालेल्या या सिनेमाची क्रेझ अजूनही कायम आहे.
दरम्यान, आता धुरंधर २ च्या ओटीटी रिलीजबद्दल मोठी माहिती समोर आली आहे. धुरंधरचा पहिला भाग नेटफ्लिक्स या ओटीटी प्लॅटफॉर्मवर रिलीज झाला होता. यानंतर प्रेक्षकांना वाटलं होतं की दुसरा भागही याच प्लॅटफॉर्मवर रिलीज होईल. मात्र, आदित्य धर यांनी या सिनेमाचे डिजिटल हक्क 'जिओ हॉटस्टार' ला विकले आहेत. त्यामुळे आता हा स्पाय थ्रिलर पाहण्यासाठी तुम्हाला जिओ हॉटस्टारचं सबस्क्रिप्शन घ्यावं लागणार आहे. अशातच हा सिनेमा ओटीटीवर कधी रिलीज होणार याबाबत चर्चा सुरू झाली आहे.
मुंबई : रणवीर सिंहच्या धुरंधर २ सिनेमानं जगभरात धुमाकूळ घातला आहे. हा सिनेमानं बॉक्स ऑफिसवर ऐतिहासिक कमाई केली आहे. अशातच सोशल मीडियावर एका वेगळ्याच ...
मिळालेल्या माहितीनुसार जिओ हॉटस्टार धुरंधर २ सिनेमा IPL 2026 संपल्यानंतर स्ट्रीम करण्याच्या तयारीत आहे. आयपीएलची धामधूम सुरू असताना सिनेमाच्या व्ह्यूअरशिपवर परिणाम होऊ नये, हा यामागचा विचार असल्यानं मे महिन्याचा शेवटचा आठवडा किंवा जूनच्या पहिल्या आठवड्यात 'धुरंधर २' ओटीटीवर पाहायला मिळणार आहे.
