इस्लामाबाद : इराण आणि अमेरिका यांच्यातील वाढत्या युद्धजन्य परिस्थितीमुळे शेजारील देश असलेल्या पाकिस्तानची झोप उडाली आहे. या आंतरराष्ट्रीय तणावाचा मोठा फटका पाकिस्तानच्या अर्थव्यवस्थेला बसला असून देशात इंधनाच्या किमतींनी उच्चांक गाठला आहे. परिस्थिती इतकी गंभीर आहे की, सरकारला संपूर्ण देशात 'एनर्जी लॉकडाऊन' लागू करावा लागला आहे. पेट्रोल आणि डिझेलच्या गगनाला भिडलेल्या किमतींमुळे पाकिस्तानी जनतेचा संयम सुटला असून, कराचीपासून पेशावरपर्यंत जनक्षोभ पाहायला मिळत आहे. 'डॉन' वृत्तपत्राने दिलेल्या माहितीनुसार, कराची, हैदराबाद आणि सुक्कुर यांसारख्या मोठ्या शहरांमध्ये नागरिक आणि राजकीय नेत्यांनी रस्त्यावर उतरून जोरदार निदर्शने केली आहेत. जैकोबाबादसह अनेक ठिकाणी महागाईविरोधात संताप व्यक्त केला जात असून, वाढत्या किमतींमुळे सामान्य जनतेचे कंबरडे मोडले आहे. एकीकडे जागतिक युद्धाची भीती आणि दुसरीकडे देशांतर्गत पेटलेले आंदोलन यामुळे पाकिस्तान सरकार पूर्णपणे बॅकफूटवर आले आहे.
Donald Trump : आज रात्री एक संपूर्ण संस्कृती नष्ट होईल...;डोनाल्ड ट्रम्प यांचा इराणला शेवटचा इशारा
वॉशिंग्टन : इराण आणि इस्रायलमधील संघर्ष आता निर्णायक वळणावर पोहोचला आहे. अमेरिकेचे राष्ट्राध्यक्ष डोनाल्ड ट्रम्प यांनी सोशल मिडिया 'एक्स'वर एक अतिशय ...
अंगावर 'कफन' ओढून सरकारचा निषेध
Donald Trump : आज रात्री एक संपूर्ण संस्कृती नष्ट होईल...;डोनाल्ड ट्रम्प यांचा इराणला शेवटचा इशारा
वॉशिंग्टन : इराण आणि इस्रायलमधील संघर्ष आता निर्णायक वळणावर पोहोचला आहे. अमेरिकेचे राष्ट्राध्यक्ष डोनाल्ड ट्रम्प यांनी सोशल मिडिया 'एक्स'वर एक अतिशय ...
">पाकिस्तानातील वाढत्या महागाईने आता टोक गाठले असून, सुक्कुरमध्ये 'सिंध युनायटेड पार्टी'ने (SUP) सरकारविरोधात संताप व्यक्त करण्यासाठी एक आगळेवेगळे आंदोलन केले. महागाई आणि इंधन दरवाढीचा निषेध करण्यासाठी आंदोलकांनी चक्क अंगावर 'कफन' परिधान करून प्रेस क्लबसमोर प्रतीकात्मक उपोषण केले. यावेळी उपस्थितांना संबोधित करताना SUP चे नेते ऐदान जागीरानी यांनी सरकारवर जोरदार टीका केली. सरकारने पेट्रोलच्या दरात ८० रुपयांची कपात केल्याचा दावा केला होता, मात्र हा दावा पूर्णपणे फसवा आणि जनतेची दिशाभूल करणारा असल्याचे जागीरानी यांनी म्हटले. गेल्या काही आठवड्यांत पेट्रोलच्या दरात तब्बल १३७ रुपये प्रति लिटर इतकी प्रचंड वाढ करण्यात आली आहे, ज्यामुळे सामान्य नागरिकांचे जगणे कठीण झाले आहे. केवळ इंधनच नाही, तर जीवनावश्यक वस्तूंच्या किंमतीही गगनाला भिडल्याने सामान्य माणसाच्या खिशाला मोठी झळ सोसावी लागत असल्याचे आंदोलकांनी नमूद केले.
सुक्कुरमध्ये 'पाकिस्तान तहरीक-ए-इंसाफ'च्या (PTI) कार्यकर्त्यांनी गोहर खान खोसो यांच्या नेतृत्वाखाली जोरदार निदर्शने केली. यावेळी बोलताना खोसो यांनी सरकारला इशारा दिला की, "पेट्रोलचा दर ३७८ रुपये प्रति लिटर झाल्यामुळे जनतेचे कंबरडे मोडले आहे. सरकारने तात्काळ कर कपात न केल्यास हे आंदोलन संपूर्ण पाकिस्तानात पसरेल. तीर चौक ते घंटा घर दरम्यान नूर अहमद कटियार आणि सरवन जतोई यांच्या मार्गदर्शनाखाली अवामी तहरीकने विशाल रॅली काढत धरणे आंदोलन केले. सरकारची धोरणे सर्वसामान्यांच्या मुळावर उठल्याची टीका यावेळी करण्यात आली. कराचीमध्ये 'नॅशनल ट्रेड युनियन फेडरेशन' आणि 'होम-बेस्ड विमेन वर्कर्स फेडरेशन'सह अनेक कामगार संघटनांनी एकत्र येत इंधन दरवाढीचा निषेध केला. आंतरराष्ट्रीय आर्थिक संस्थांच्या दबावाखाली सरकार घेत असलेल्या निर्णयांचा त्यांनी निषेध केला.
