मुंबई : मुंबईतील जुन्या बांधकामाचे पुनरुज्जीवन करून मुंबई आता पूर्णपणे नव्याने उदयाला येत आहे. त्यात ब्रिटिशकालीन असलेले मुंबईतील अनेक इतिहासकालीन पुलांचे बांधकाम नव्याने केले जात आहे. ११३ वर्ष जुना असलेला प्रभादेवीचा पूल हा त्यातीलच एक...
११३ वर्ष जुना आणि ऐतिहासिक एल्फिन्स्टन पूल १२ सप्टेंबर २०२५ पासून वाहतुकीसाठी बंद करण्यात आला होता. पाडकामाला सुरुवात करण्यात आली होती. आणि आता त्यानंतर आज ४ एप्रिल रोजी मध्यरात्रीपासून अंतिम पाडकाम मध्य रेल्वेकडून केले जाणार आहे.
डबल डेकर पुलाचे नियोजन
प्रभादेवीचा उड्डाणपूल हा वरळी- शिवडी प्रकल्पाचा भाग असलेला ब्रिटिशकालीन पूल आहे. हा पूल पाडून त्या जागी नवीन डबलडेकर पूल उभारण्याचे नियोजन मुंबई महानगर प्रदेश विकास प्राधिकरण ( MMRDA ) यांनी केले आहे. शिवाय या कामाची जबाबदारी महाराष्ट्र रेल्वे इन्फ्रास्ट्रक्चर डेव्हलपमेंट कॉर्पोरेशन यांच्याकडे आहे.
लोकलवर होणारा परिणाम
प्रभादेवीच्या पुलाच्या कामामुळे मध्य आणि पश्चिम रेल्वेवर परिणाम होणार आहे प्रभादेवीच्या पुलामुळे अनेक लोकल आणि एक्सप्रेस गाडी दादर आणि भायखळा मार्गे जणार आहे. प्रभादेवी पुलाचे मध्य रेल्वे भागातील पॅनल काढण्यासाठी शनिवारी रात्री १०.३० वाजल्यापासून ते रविवारी सकाळी ६ वाजेपर्यंत ब्लॉक घेण्यात येणार आहे. शेवटचा आणि मुख्य ब्लॉक काढण्याचे काम शनिवारी रात्री ११.३० वाजता सुरु होणार असले तरी ओव्हर हेड वायर हटविण्यासाठी संपूर्ण मार्गिका १ तास आधी बंद ठेवणे आवश्यक आहे. त्यामुळे सीएसएमटी ते दादर रेल्वेस्थानक दरम्यानच्या उपनगरीय सेवा पूर्णपणे बंद राहतील.
पूर्व आणि पश्चिम मुंबईत वाहतूक कोंडी
मेल- एक्सप्रेस गाड्यांवर होणारा परिणाम
पुलाच्या अंतिम पाडकामामुळे उपनगरीय आणि मेल एक्सप्रेस गाड्यांच्या वेळापत्रकानुसार परिणाम होणार असून गाड्या दादर/ भायखळा मार्गे वळवल्या जातील. नवीन पूल तयार झाल्यावर दक्षिण मुंबईतील प्रवाशांना वरळी आणि वांद्रे - वरळी सी लिंककडे जाणे सोपे होईल. वाहतूक कोंडी सुटायला देखील मदत होणार असून प्रभादेवीचा हा पूल आपल्याला लवकरच नव्या सुविधांसह, सुसज्ज सोयींसह लवकरच मिळणार आहे.
