कोल्हापूर : सातारा जिल्ह्यातील फलटण येथे महिला डॉक्टर आत्महत्येप्रकरणी मागील पाच महिन्यांपासून तुरुंगात असलेला निलंबित पोलीस उपनिरीक्षक (PSI) गोपाळ बदने याला मुंबई उच्च न्यायालयाच्या कोल्हापूर सर्किट बेंचने ५० हजार रुपयांच्या वैयक्तिक जातमुचलक्यावर जामीन मंजूर केला आहे. यामुळे पोलीस उपनिरीक्षक (PSI) गोपाळ बदने तुरुंगाबाहेर येणार आहे.
काय आहे प्रकरण ?
फलटणमधील एका हॉटेलच्या रूममध्ये महिला डॉक्टरने गळफास घेऊन स्वतःचा जीवनप्रवास संपवला. या महिला डॉक्टरने मृत्यूपूर्वी स्वतःच्या हातावर पीएसआय गोपाळ बदने आणि प्रशांत बनकर या दोघांची नावे लिहिली होती. या प्रकरणात तपास करून पोलिसांनी गुन्हा नोंदवला. यानंतर पोलिसांनी गोपाळ बदने आणि प्रशांत बनकर या दोघांना अटक केली. दोघांवर महिला डॉक्टरचा शारीरिक आणि मानसिक छळ केल्याचा आरोप ठेवण्यात आला.
मागील पाच महिन्यांपासून गोपाळ बदने तुरुंगात होता. जामीन मिळवण्यासाठी त्याने मुंबई उच्च न्यायालयाच्या कोल्हापूर सर्किट बेंचकडे अर्ज केला होता. या प्रकरणात सुनावणीअंती कोल्हापूर सर्किट बेंचने आरोपी पोलीस उपनिरीक्षक (PSI) गोपाळ बदने याला ५० हजार रुपयांच्या वैयक्तिक जातमुचलक्यावर जामीन मंजूर केला.
