मुंबई : मध्य रेल्वेच्या मुख्य मार्गावर अर्थात मेन लाईनवर परळ आणि करी रोड स्थानकांदरम्यानच्या प्रभादेवीवरील रेल्वे उड्डाणपुलाचे 'आरओबी'चे पॅनेल्स काढण्यासाठी विशेष ट्रॅफिक आणि पॉवर ब्लॉक घेण्यात येणार आहे. अप धीम्या मार्गावर आणि अप व डाऊन जलद मार्गांवर दोन आणि तीन एप्रिल दरम्यानच्या मध्यरात्री बारा वाजून तीस मिनिटांनी ब्लॉक सुरू होईल आणि शुक्रवार ३ एप्रिल २०२६ रोजी पहाटे साडेचार वाजेपर्यंत हा ब्लॉक असेल.
ब्लॉक काळात ११०२० भुवनेश्वर न्यू- छत्रपती शिवाजी महाराज टर्मिनस कोणार्क एक्सप्रेसचा मार्ग माटुंगा आणि भायखळा स्थानकांदरम्यान वळवण्यात येईल आणि तिला दादर स्थानकावर दुहेरी थांबा दिला जाईल. तसेच ११०२० भुवनेश्वर न्यू- छत्रपती शिवाजी महाराज टर्मिनस कोणार्क एक्सप्रेस, १२८१० हावडा- छत्रपती शिवाजी महाराज टर्मिनस मेल आणि १२१३४ मंगळुरू- छत्रपती शिवाजी महाराज टर्मिनस एक्सप्रेस या गाड्यांना माटुंगा आणि भायखळा स्थानकांदरम्यान वळवण्यात येईल आणि त्यांना दादर स्थानकावर दुहेरी थांबा दिला जाईल.
पायाभूत सुविधांची देखभाल आणि सुरक्षितता यासाठी आवश्यक असल्यामुळे हा ब्लॉक घेण्यात येणार आहे. यामुळे प्रवाशांना होणाऱ्या गैरसोयीबद्दल रेल्वेने दिलगिरी व्यक्त केली आहे.
