मुंबई : प्रसिद्ध अभिनेत्यासोबत धक्कादायक घटना घडली असून शुटिंगदरम्यान झालेल्या अपघातात या अभिनेत्याचा दुर्दैवी मृत्यू झाल्याची माहिती मिळतेय. बंगाली अभिनेता राहुल अरुणोदय बॅनर्जी ( Rahul Arunoday Banerjee) याचं वयाच्या 43 व्या वर्षी निधन झालं आहे. या अभिनेत्याच्या निधनानं मनोरंजन विश्वावर शोककळा पसरली आहे.
अभिनेता राहुल अरुणोदय बॅनर्जी ओदिशातील तलसारी बीचवर शूटिंग करत होता. दरम्यान, शूटिंगसाठी अभिनेता समुद्रात उतरला आणि पाण्यात बुडून त्याला त्याचा जीव गमावाव लागला.
मीडिया रिपोर्टनुसार, रविवार, २९ मार्च २०२६ रोजी अभिनेता राहुल हे 'भोले बाबा पार करेगा' या मालिकेच्या शुटिंगसाठी दिघा इथं उपस्थित असताना ही दुर्दैवी घटना घडली.
मिळालेल्या माहितीनुसार दिघाजवळील तालसारी इथे मालिकेचं शुटिंग सुरू असताना राहुल बॅनर्जी पाण्यात उतरला. त्यानंतर काही क्षणातच तो पाण्यात बुडू लागला, त्यावेळी घटनास्थळी उपस्थित असलेल्यांनी तात्काळ मदतीसाठी धाव घेतली आणि त्याला पाण्यातून बाहेर काढलं. पण, तोपर्यंत फार उशीर झाला होता.
अभिनेता राहुल बॅनर्जीच्या निधनानंतर त्यांचे सहकलाकार, चाहते आणि संपूर्ण मनोरंजन विश्वाला मोठा धक्का बसला असून या घटनोबाबत सर्वत्र हळहळ व्यक्त होत आहे.
