मुंबई : आयपीएल २०२६ (IPL 2026) मधील दुसरा सामना मुंबई इंडियन्स (MI) विरुद्ध कोलकता नाइट रायडर्स (KKR) यांच्यात मुंबईच्या वानखेडे स्टेडियमवर संध्याकाळी ७.३० वाजता रंगणार आहे. आयपीएलमध्ये तब्बल पाच वेळा विजेतेपद मिळवणारा संघ अशी मुंबईची ख्याती आहे. पण २०२० पासून मुंबई इंडियन्सला विजेतेपद मिळविता आलेले नाही. आतापर्यंत झालेल्या १८ हंगामांपैकी सलग १३ आणि एकूण १४ वेळा मुंबई इंडियन्सच्या त्यांच्या साखळी फेरीतील सलामीच्या सामन्यात पराभव झाला आहे. यंदाच्या सलामीच्या सामन्यात हरल्याल मुंबई इंडियन्स सलग चौदाव्यांदा आणि एकूण १५ वेळा त्यांचा साखळी फेरीतील सलामीचा सामना गमावल्याचा नवा विक्रम नोंदवणार आहेत. हा नको असलेला विक्रम टाळण्यात मुंबईची टीम यशस्वी होणार का याकडे अनेकांचे लक्ष आहे.
साखळी सामन्यांमध्ये असलेल्या गटामध्ये अन्य संघांच्या तुलनेत मुंबई इंडियन्सचे पारडे कागदावर तरी प्रभावी दिसत आहे. वानखेडे स्टेडियम या घरच्या मैदानावर मुंबई इंडियन्स पहिला विजय मिळवते का पाहुया. या सामन्यात मुंबईचे पारडे जड वाटते. विश्वचषक २०२६ मधील ४ हुकमी एक्के मुंबई इंडियन्सच्या संघातून खेळताना दिसतील. कर्णधार हार्दिक पांड्या, विश्वचषक २०२६ भारतीय संघाचा कर्णधार सूर्यकुमार याादव, तिलक वर्मा, विश्वचषक २०२६ गाजवलेला गोलंदाज जसप्रीत बुमराह. त्याशिवाय रोहित शर्मा, क्विंटन डीकॉक, नमन धीर, रायन रिकल्टन, शेरफेन रुदरफोर्ड , कॉर्बीन बॉश असे चांगले फलंदाज मुंबई इंडियन्सकडे आहेत. मुंबईची पलटन फलंदाजीत काय कमाल करते, याची उत्सुकता राहील. गोलंदाजीत बुमराह, टेंट बोल्ट, दिपक चहर, शार्दुल ठाकुर, मयांक मारकंडे, कॉर्बीन बॉश असे गोलंदाज आहेत. कोलकता नाइट रायडर्स संघात कर्णधार अजिंक्य रहाणे, कॅमरुन ग्रीन, फिन एलेन, टिम सेफर्ट, यष्टीरक्षक, मथीशा पथिराना रिंकू सिंग, सुनील नारायण असे नामांकीत खेळाडू आहेत फलंदाजीत अजिंक्य रहाणे, कॅमरुन ग्रीन, फिन एलेन, रचिन रविंद्र, रिंकू सिंग, रोवमॅन पॉवेल, अंगरीश रघुवंशी असे नामाकिंत फलंदाज आहेत. गोलंदाजीत सुनील नारायण, वरुण चक्रवर्ती, मथीशा पथिराना, उमरान मलिक, ब्लेसिंग मुझारबानी असे नामांकित गोलंदाज आहेत. मुंबई इंडियन्सच्या फलंदाजांना रोखण्याची जबाबदारी त्यांच्यावर असेल. मुंबईचे वानखेडे स्टेडियम फलंदाजीसाठी अनुकूल मानले जाते. मुंबई इंडियन्सला कोलकता नाइट रायडर्स कशी काय टक्कर देते पाहूया.
