मुंबई : अभिनेता अक्षय कुमार(Akshay Kumar) सध्या त्याच्या आगामी सिनेमामुळे जोरदार चर्चेत आहे. अक्षय कुमारचा भूत बंगला या सिनेमाचं शूटींग पूर्ण झालं आहे. लवकरच हा सिनेमा रिलीज होणार आहे.
अक्षयचा भूत बंगला सिनेमा येत्या १० एप्रिल २०२६ रोजी रिलीज होणार असल्याचं निश्चित झालं होतं. पण, आता हा सिनेमा आणखीन लांबणीवर गेला असल्याच्या चर्चा होत आहेत.
अभिनेता अक्षय कुमारनं ९ सप्टेंबर २०२४ रोजी आपल्या वाढदिवशी या सिनेमाची घोषणा केली. तेव्हापासून प्रेक्षक हा सिनेमा पाहण्यासाठी उत्सुक आहेत. पण, आता सलग तिसऱ्यांदा या सिनेमाची रिलीज डेट बदलण्यात आली असल्याच्या चर्चा जोरदार रंगल्या आहेत.
सध्या संर्पूण जगभरात रणवीर सिंहच्या धुरंधर सिनेमानं धूमाकूळ घातलाय. त्यामुळे रणवीरच्या धुरंधर २ सिनेमामुळे अक्षयनं आपल्या भूत बंगला सिनेमाची रिलीज डेट बदलली असल्याचं म्हटलं जातं आहे.
भूत बंगला सिनेमात अक्षय कुमार बरोबरच वामिका गब्बी,स परेश रावल, तब्बू आणि राजपाल यादव हे कलाकार मुख्य भूमिकांमध्ये झळकणार आहेत.
आता अक्षयचा हा सिनेमा १७ एप्रिल २०२६ रोजी प्रदर्शित होणार असल्याच्या चर्चा आहेत. मात्र, अक्षयचा भूत बंगला सिनेमा पाहण्यासाठी चाहत्यांची उत्सुकता प्रचंड वाढली आहे.