शिव ठाकरेची सध्या सगळीकडे जोरदार चर्चा होतेयं. बिग बॉस मराठी गाजवल्यानंतर आता शिव ‘The 50’ या प्रसिद्ध शोचा विजेता झाला आहे. या शोमधील सर्व स्पर्धकांना मागे टाकत दमदार खेळ आणि स्ट्रॅटेजीच्या बळावर शिव ठाकरेनं ‘The 50’ शोची ट्रॉफी जिंकलीआहे.
रिअॅलिटी शोच्या दुनियेत सध्या शिव ठाकरे जोरदार चर्चेत असल्याचं पाहायला मिळत आहे. ‘The 50’ जिंकल्यानंतर विजेतेपदाच्या ट्रॉफीसोबत शिवला ५० लाखांची रक्कमही मिळालेली आहे. मात्र, आता ही रक्कम शिव ठाकरेला मिळणार नसून विजेतेपदासोबत मिळालेली ५० लाखांची प्राईज मनी त्यानं स्वतःकडे न ठेवता थेट आपल्या चाहत्याला दिली आहे.
‘The 50’ या शोमध्ये एकूण ५० सेलिब्रिटी सहभागी झाले होते. टीव्ही, सोशल मीडिया आणि म्युझिक इंडस्ट्रीतील अनेक प्रसिद्ध कलाकार या शोमध्ये झळकले.
‘The 50’ शोचा फॉरमॅट वेगळा असून विजेत्या स्पर्धकाला मिळणारी रक्कम त्याच्या नोंदणीकृत फॉलोअर्समधून निवडलेल्या ‘नंबर वन फॅन’ला दिली जाते. त्यामुळे शिव ठाकरेने जिंकलेले ५० लाख रुपये सीताराम प्रल्हाद अघाव या त्याच्या चाहत्याला देण्यात आले आहेत.
