अभिनेत्री अनुष्का शर्मानं बॉलिवूडच्या अनेक मोठ्या सिनेमांमध्ये काम केलं आहे. तसेच, बॉलिवूडच्या तिन्ही खान्ससोबत अनुष्कानं सुपरहिट सिनेमे केले आहेत. फार कमी वेळातच अनुष्का शर्मानं बॉलिवूडच्या प्रसिद्ध अभिनेत्रींच्या यादीत स्थान मिळवलं. बॉलिवूडमध्ये आपलं वेगळ स्थान निर्माण केल्यानंतर अनुष्कानं प्रसिद्ध क्रिकेटर विराट कोहलीसोबत लग्न केलं आणि आपला संसार थाटला.
विराटसोबत लग्न केल्यानंतर अनुष्कानं स्वतःला मोठ्या पडद्यापासून दूर नेलं आणि आपल्या कुटुंबाला प्राधान्य दिलं. अनुष्का दोन मुलांची आई असून आता तब्बल 8 वर्षांनी अनुष्का शर्मा पुन्हा एकदा मोठ्या पडद्यावर झळकणार असल्याच्या चर्चांना उधाण आलं आहे. अनुष्का शर्मा 1800 कोटींच्या सिनेमातून कमबॅक करणार असल्याची माहिती आहे.
लवकरच अभिनेत्री अनुष्का शर्मा तेलुगू सिनेसृष्टीतून कमबॅक करण्याच्या तयारीत असल्याच्या चर्चा होत असून अल्लू अर्जुनचा आगामी सिनेमा ज्याचं टायटल तात्पुरतं 'AA22xA6' असं ठेवण्यात आलेलं आहे. अल्लू अर्जुनच्या या सिनेमात अनुष्का शर्मा भूमिका साकारू शकते, अशी जोरदार चर्चा सध्या सुरू असून या सिनेमाचं दिग्दर्शन ॲटली करत आहे. मात्र, या वृत्तांना अद्याप कोणताही अधिकृत दुजोरा मिळाला नसला तरी, जर हे वृत्त खरं ठरलं तर,अनुष्काचा तेलुगू सिनेसृष्टीतील पदार्पणासोबतच तिचा कमबॅक ठरणार आहे.
या सिनेमाचं अधिकृत टायटल 8 एप्रिल 2026 रोजी, म्हणजेच अल्लू अर्जुनच्या वाढदिवसाच्या मुहूर्तावर जाहीर केलं जाण्याची शक्यता आहे. हे अनावरण एका विशेष व्हिडीओमार्फत केलं जाणार असून यामध्ये सिनेमाची पहिली झलक पाहायला मिळणार आहे. तसेच, अनुष्काच्या कमबॅकबाबात होत असल्येल्या या चर्चानंतर अनुष्काला पुन्हा मोठ्या पडद्यावर पाहण्यासाठी चाहत्यांची उत्सुकता वाढली आहे.
