काही दिवसांपूर्वी रणवीरने दाक्षिणात्य अभिनेता ऋषभ शेट्टीच्या कांतारा सिनेमातील भूमिकेची नक्कल केली होती. त्यानंतर ऋषभनेही रणवीरने आपल्या देवाचा अपमान केल्याबद्दल नाराजी व्यक्त केली होती. त्यांचा हा व्हिडीओ प्रचंड व्हायरल झाला होता. मात्र, आता त्याच ऋषभ शेट्टीने रणवीरचे तोंड भरून कौतुक केले आहे.
ऋषभने रणवीरबद्दलचा सगळा राग विसरून त्याच्या ‘धुरंधर 2’ या सिनेमाचं भरभरून कौतुक केलं आहे. रणवीर सिंहबद्दलचा सगळा राग विसरून ऋषभने एक्स (ट्विटर) अकाऊंटवर ‘धुरंधर 2’च्या संपूर्ण टीमसाठी खास पोस्ट लिहिली आहे.
ऋषभ शेट्टीने असे केले धुरंधरचे कौतुक :
‘धुरंधर: द रिव्हेंज’चा पहिला सीन तुम्हाला अशा पद्धतीने कथेत खेचतो की तुम्ही त्यातून बाहेर पडूच शकत नाही. सिनेमातील प्रत्येक फ्रेम ही जणू युद्धाच्या नगाऱ्यासारखी वाटते. हा फक्त सीक्वेल नाही, तर हे एक विधान आहे. अप्रतिम कथाकथन, आदित्य भावा.. खरंच त्यातील बारकावे खूप आवडले. आर. माधवन सर, अर्जुन रामपाल, रणवीर सिंह, राकेश बेदी, सारा अर्जुन आणि संजय सर... प्रत्येक कलाकाराने सर्वोत्कृष्ट परफॉर्म केलं आहे, मान झुकवून मी त्यांचा सन्मान करतो. विकाश नवलखा यांनी नेत्रदीपक दृश्ये टिपली आहेत आणि संगीताच्या माध्यमातून चित्रपटाला इतक्या प्रभावीपणे एका वेगळ्याच उंचीवर नेणाऱ्या तंत्रज्ञांचं विशेष कौतुक,’ अशा शब्दांत ऋषभने संपूर्ण टीमची पाठ थोपटली आहे.
ऋषभच्या या पोस्टवर आदित्य धरने प्रतिक्रिया देत ‘तुझ्याकडून हे शब्द ऐकणं म्हणजे माझ्यासाठी ही खूप मोठी गोष्ट आहे भावा. कांताराचा मी खूप मोठा चाहता असून तुझे शब्द माझ्यासाठी आणखी खास ठरले आहेत. मी कृतज्ञ आहे’, असं आदित्यने लिहिलं आहे.#DhurandharTheRevenge the very first scene pulls you in and never lets go. Every frame hits like a war drum. This isn’t just a sequel; it’s a statement. Brilliant storytelling, brother absolutely loved the detailing, @AdityaDharFilms. Top-notch performances by every single… pic.twitter.com/ugT7KkksMJ
— Rishab Shetty (@shetty_rishab) March 21, 2026
