पुणे : वाढत्या उष्णतेमुळे वकिलांना मोठा दिलासा देणारा निर्णय घेण्यात आला आहे. उन्हाळ्याच्या काळात पारंपरिक काळा कोट घालण्यापासून वकिलांना तात्पुरती सूट देण्यात आली आहे.
१५ मार्च ते १५ जून या कालावधीत ही सवलत लागू राहणार असून या दरम्यान वकिलांना न्यायालयात काम करताना काळा कोट परिधान करणे बंधनकारक राहणार नाही.
उन्हाळ्यात तापमानात मोठी वाढ होत असल्याने काळ्या रंगाच्या कोटामुळे उष्णता अधिक जाणवते. त्यामुळे वकिलांना दीर्घकाळ न्यायालयात काम करताना त्रास सहन करावा लागतो. विशेषतः ज्या न्यायालयांमध्ये पुरेशा थंडाव्याच्या सुविधा उपलब्ध नाहीत, त्या ठिकाणी परिस्थिती अधिक कठीण होते.
ग्रामीण भागातील अनेक न्यायालयांमध्ये पंखे, कुलर किंवा एअर कंडिशनिंगची सुविधा मर्यादित असल्याने वकिलांना उकाड्यात काम करणे आव्हानात्मक ठरते. या पार्श्वभूमीवर ही सवलत उपयुक्त ठरणार असल्याचे मानले जात आहे.
काळा कोट हा वकिलांच्या ओळखीचा महत्त्वाचा भाग मानला जातो. तरीही आरोग्य आणि कामाच्या सोयीसाठी दरवर्षी उन्हाळ्यात अशी तात्पुरती सवलत दिली जाते.
या निर्णयामुळे वकिलांना काम करताना अधिक आरामदायी वातावरण मिळेल, तसेच उष्णतेमुळे होणारा त्रास काही प्रमाणात कमी होण्याची आहे.
