नवीन वर्षात अनेकजण नवीन सुरुवात करण्याासाठी सज्ज झालेले असतात. अशातच आता मराठी सिनेसृष्टीतील एका अभिनेत्यानं गुढी पाडव्याचं औचित्य साधत या शुभ मुहूर्तावर एक नवीन सुरुवात केली असून या अभिनेत्यानं सोशल मीडियाच्या माध्यमातून ही बातमी आपल्या चाहत्यांसोबत शेअर केली आहे.
अभिनेता अभिजीत केळकरनं गुढीपाडव्याला एक नवीन सुरुवात केली असून यंदा नवीन वर्षात काहीतरी हटके करण्याचा निर्णय अभिजतने घेतला आहे. सोशल मीडियावर पोस्ट करत अभिजीतने याबाबत माहिती दिली असून यानंतर चाहत्यांनी अभिजीतला शुभेच्छा दिल्या आहेत.
View this post on Instagram
अभिजीतच्या या पोस्टवर मराठी कलाविश्वातून शुभेच्छांचा वर्षाव होत असून अनेक कलाकारांनी याबात अभिजितचं भरभरून कौतुक केलं आहे.
सध्या अनेकजण हॉटेल, कपड्यांचा ब्रँड किंवा ज्वेलरी यांसारखे व्यवसाय निवडताना पाहायला मिळते. मात्र, अभिजित केळकरने महाराष्ट्राच्या खाद्यसंस्कृतीचा महत्वाचा भाग असलेल्या मसाल्यांचा व्यवसाय करण्याचा निर्णय घेतला आहे.
अभिजितनं आपला 'अस्सल केळकर मसाले' नावाचा स्वतःचा नवा ब्रँड लाँच केला असून त्याने हा पारंपरिक बिझनेस सुरू केला आहे. अभिजितच्या या ब्रँडच्या टॅगलाइनमध्येच त्याने आपल्या ब्रँडचा उद्देश स्पष्ट केला आहे. अभिजितनं आपल्या टॅगलाइनमध्ये "प्रत्येक घासात अस्सल चव!" म्हटलं आहे.
