मुंबई: टीव्ही अभिनेत्री आणि सोशल मीडिया स्टार जन्नत झुबैर रहमानी आणि तिचा भाऊ अयान झुबैर रहमानीवर हल्ला झाल्याची घटना घडली आहे. या घटनेमुळं मनोरंजन विश्वात एकच खळबळ उडाली आहे. दोघे भाऊ-बहीण त्यांच्या कारने कुठेतरी जात होते. तेव्हा पनवेल जवळ असलेल्या हायवेवर काही लोकांनी त्यांचा पाठलाग केला आणि त्यांच्यावर मारहाण केली. हल्लेखोरांनी त्यांना अडवलं आणि धमकावल्याचं समजतं आहे. यामुळे दोघेही जखमी झाले. हा दोघांसाठी खूप भयानक अनुभव होता. दोघे भाऊ बहिण मोठ्या धक्क्यात आहेत.
जन्नत झुबैरच्या टीमने याप्रकरणी एक अधिकृत माहिती शेअर केली आहे. इन्स्टाग्रामवर केलेल्या पोस्टमध्ये म्हटलंय की, जन्नत आणि अयानला खूप गंभीर परिस्थितीला सामोरं जावं लागलं. त्यांचा पाठलाग करून त्यांना मारहाण करण्यात आली. सध्या दोघेही सुरक्षित आहेत. चाहत्यांनी अफवांवर विश्वास ठेऊ नये. पुढील अधिकृत माहितीची वाट पाहा.
View this post on Instagram
पोलिसांकडून तपास सुरु
याप्रकरणाची माहिती मिळताच स्थानिक पोलिसांनी तपास सुरु केला आहे. हल्लेखोर कोण होते, हे अद्यापही स्पष्ट झालेलं नाही. पोलीस जवळपासचे सीसीटीव्ही फुटेज आणि अन्य पुरावांच्या आधारावर तपास करत आहेत.
कोण आहे जन्नत झुबैर?
जन्नत झुबैर रहमानी एक टीव्ही स्टार आहे. इन्स्टाग्रामवर तिचे लाखो फॉलोअर्स आहेत. तिने तिच्या करिअरची सुरुवात चाईल्ड आर्टिस्ट टीव्ही शो फुलवाच्या माध्यमातून केली होती. त्यानंतर ती 'तू आशिकी' सारख्या लोकप्रिय शो मधून प्रकाशझोतात आली. तिने अनेक म्यूझिक व्हिडीओ आणि रिअॅलिटी शो मध्ये काम केलं आहे.
