नवी दिल्ली : गूगल प्ले स्टोअर आणि अॅपल अॅप स्टोअर या दोन प्लॅटफॉर्मवर सध्या चॅट जीपीटीपेक्षा इंडियन ऑइल कंपनीचे अॅप जास्त लोकप्रिय आहे.
पश्चिम आशियात अमेरिका आणि इस्रायलने संयुक्तपणे इराण विरोधात युद्ध पुकारले आहे. या युद्धाने आता १६ व्या दिवसांत प्रवेश केला आहे. युद्ध सुरू झाल्यानंतर देशात अनेक ठिकाणी एलपीजी सिलेंडरच्या टंचाईची अफवा पसरली होती. नवा एलपीजी सिलेंडर बुक करण्याची प्रक्रिया इंडियन ऑइल कंपनीच्या अॅपद्वारे करता येईल हे कळल्यानंतर अनेकांनी गूगल प्ले स्टोअर आणि अॅपल अॅप स्टोअर या दोन्ही प्लॅटफॉर्मवर इंडियन ऑइल कंपनीचे अॅप सर्च करण्याला आणि ते डाऊनलोड करुन घ्यायला प्राधान्य दिले. यामुळे भारतात गूगल प्ले स्टोअर आणि अॅपल अॅप स्टोअर या दोन्ही प्लॅटफॉर्मवर चॅट जीपीटीपेक्षा इंडियन ऑइल कंपनीच्या अॅपचे महत्त्व वाढले आहे. याच कारणामुळे सध्या इंडियन ऑइल कंपनीचे अॅप गूगल प्ले स्टोअर आणि अॅपल अॅप स्टोअरवर चॅट जीपीटीला मागे टाकण्यात तसेच लोकप्रिय अॅप या श्रेणीत अव्वलस्थान पटकावण्यात यशस्वी झाले आहे. आता तर कमी कालावधीत सर्वाधिक डाऊनलोड झालेल्या अॅपच्या श्रेणीतही इंडियन ऑइल कंपनीचे अॅप गूगल प्ले स्टोअर आणि अॅपल अॅप स्टोअरवर अव्वलस्थानी आहे.
भारतात सिलेंडर बुक करण्याचे वेगवेगळे अधिकृत अॅप आहेत. पण सध्या या अॅपमध्ये इंडियन ऑइल कंपनीचे अॅप सर्वाधिक लोकप्रिय आहे. या अॅपच्या सर्च आणि डाऊनलोडमध्ये मागील काही दिवसांत लक्षणीय वाढ झाली आहे. डाऊनलोडच्या संख्येत सातत्याने वाढ होत असल्याचे दिसत आहे. यामुळे इंडियन ऑइल कंपनीच्या अॅपची लोकप्रिय चढत्या क्रमाने वाढत आहे.
भारतात एलपीजी सिलेंडर बुक करण्यासाठी प्रत्येक प्रमुख गॅस कंपनीचे स्वतंत्र अधिकृत मोबाईल ॲप्लिकेशन उपलब्ध आहे. या अधिकृत ॲपची यादी : IndianOil ONE, Hello BPCL, HP Pay, UMANG
WhatsApp/Missed Call : इंडेन - ७७१८९५५५५५, भारत गॅस - १८००२२४३४४, एचपी गॅस Missed Call - ९४९३६ ०२२२२, एचपी गॅस WhatsApp - ९२२२२ ०११२२