मुंबई : ३६० वन म्युच्युअल फंडने डायनाएसआयएफ अॅक्टिव्ह अॅसेट अॅलोकेटर लॉन्ग-शॉर्ट फंडाची घोषणा केली. हा एक विशेष गुंतवणूक फंड (एसआयएफ) आहे, जो दीर्घकालीन वाढ आणि उत्पन्न निर्मिती करण्याच्या उद्देशाने धोरणात्मकदृष्ट्या तयार करण्यात आलेला आहे. यासोबतच मालमत्ता वाटप आणि शिस्तबद्ध जोखीम व्यवस्थापनाद्वारे नकारात्मक जोखीम मर्यादित करण्याचे त्यांचे उद्दिष्ट आहे. याचा एनएफओ २० मार्च रोजी बंद होईल.
यापूर्वी ३६० वन म्युच्युअल फंडने सहा फेब्रुवारी रोजी डायनाएसआयएफ इक्विटी लॉन्ग-शॉर्ट फंड लाँच केला होता. निवडक दीर्घ आणि शॉर्ट पोझिशन्सद्वारे सूचीबद्ध इक्विटी आणि इक्विटी डेरिव्हेटिव्ह्जमध्ये दीर्घकालीन भांडवल वाढ शोधणाऱ्या गुंतवणूकदारांसाठी डिझाइन केलेले एक ओपन-एंडेड इक्विटी गुंतवणूक धोरण आहे.
आजच्या गुंतवणुकीचे वातावरण हे वेगवान व्याजदर चक्र, अचानक येणारी अस्थिरता, बदलणारी परिस्थिती, चलनवाढीची अनिश्चितता आणि तरलता अशा अनेक गोष्टींभोवती फिरते. या परिस्थितीमुळेच, गुंतवणूकदार पारंपरिक स्थिर-उत्पन्न उत्पादनांच्या पलीकडे विचार करत आहेत जे कमी अस्थिरता आणि अनुकूल पोर्टफोलिओ देऊ शकतात.
इक्विटी, कर्ज, कमोडिटीज आणि इन्व्हिआयटी सारख्या पर्यायांमध्ये सक्रिय गुंतवणूक करून डायनाएसआयएफ अॅक्टिव्ह अॅसेट अॅलोकेटर लॉन्ग-शॉर्ट फंड ही गरज पूर्ण करण्याचा प्रयत्न करतो. तर जोखीम व्यवस्थापित करण्यासाठी आणि दीर्घकालीन जोखीम-समायोजित परतावा निर्माण करण्याच्या उद्देशाने डेरिव्हेटिव्ह्ज धोरणे वापरतो.
३६० वन अॅसेट मॅनेजमेंट लिमिटेडचे सीईओ राघव अय्यंगार म्हणाले, "रचनात्मकदृष्ट्या वेगवेगळ्या मार्केट प्रमाणेच गुंतवणूकदारांच्या गरजा सातत्याने विकसित होत आहेत. बदलत्या परिस्थितीनुसार आणि तीव्र दर चक्रांमुळे पारंपरिक ६०:४० रचना आता अधिकाधिक आव्हानात्मक बनताना दिसते आहे. डायनाएसआयएफसह, आम्ही असा एक उपाय सादर करत आहोत, ज्याचा उद्देश सक्रिय जोखीम व्यवस्थापनासह वाढ आणि उत्पन्न एकत्रित करणे हे आहे - ज्यात पोर्टफोलिओची रचना लवचिक असेल. ३६० वनमध्ये, आमच्या क्लायंटसाठी शिस्तबद्ध, दीर्घकालीन मूल्य निर्मिती प्रदान करण्यावर आम्ही प्रयत्नशील आहोत."
३६० वन अॅसेट मॅनेजमेंट लिमिटेडचे सह-संस्थापक आणि मुख्य गुंतवणूक अधिकारी अनुप माहेश्वरी म्हणाले, "हे संपूर्ण धोरण लवचिकतेभोवती उभे केले गेले आहे. इक्विटी, कर्ज, कमोडिटीज आणि डेरिव्हेटिव्ह्जमध्ये व्यवस्थित गुंतवणूक करण्यासोबतच, आम्ही स्थिर वाटपांपुरते मर्यादित राहण्याऐवजी बदलत्या मॅक्रो रेजिमशी जुळवून घेण्याचा प्रयत्न करतो. केवळ परिपूर्ण परतावा नव्हे तर जोखीम-समायोजित परतावा, ही आमच्या गुंतवणूक तत्त्वज्ञानाची मूळ संकल्पना आहे."
डायनाएसआयएफ अॅक्टिव्ह अॅसेट अॅलोकेटर लॉन्ग-शॉर्ट फंडचे फंड मॅनेजर हर्ष अगरवाल म्हणाले, "कमी अस्थिरतेसह दीर्घकालीन परतावा निर्माण करणे हे फंडाचे ध्येय आहे. मालमत्ता वर्ग आणि वैयक्तिक सिक्युरिटीजमध्येशिस्तबद्ध वैविध्य, इक्विटी आणि कमोडिटी एक्सपोजरचे आंशिक हेजिंग आणि कमी बीटासह संभाव्य अल्फा कॅप्चर करण्यासाठी दीर्घकालीन धोरणे राबवून हे साध्य करणे, हे आमचे उद्दिष्ट आहे. इक्विटी फंडांच्या तुलनेत स्थिर परतावा मिळवणाऱ्या जोखीम-जागरूक गुंतवणूकदारांसाठी हा योग्य फंड आहे."
