मुंबई : इराण आणि अमेरिकेच्या युद्धाचा आज (गुरुवार १२ मार्च) तेरावा दिवस आहे. अशातच आता इराणने रात्री अमेरिकेच्या मालकीच्या सेफसी विष्णू या तेल टँकरवर हल्ला केला. या हल्ल्यात एका भारतीय व्यक्तीचा मृत्यू झाला आहे.
सूत्रांनी दिलेल्या माहितीनुसार, इराकच्या किनाऱ्याजवळ अमेरिकेच्या मालकीच्या ‘SafeSea Vishnu’ या तेलवाहू टँकरवर रात्री उशिरा हल्ला झाल्याची धक्कादायक घटना समोर आली आहे. प्राथमिक माहितीनुसार हा हल्ला इराणशी संबंधित स्फोटकांनी भरलेल्या बोटीने केल्याचा संशय व्यक्त केला जात आहे. या हल्ल्यात जहाजावरील एका भारतीय खलाशाचा मृत्यू झाल्याची माहिती समोर आली आहे.
हा टँकर इराकमधील बसरा किनाऱ्याजवळ उभा असताना अचानक जोरदार स्फोट झाला आणि जहाजाला आग लागली. या हल्ल्यानंतर जहाजावरील इतर सुमारे २७ ते ३८ क्रू सदस्यांना सुरक्षितपणे बाहेर काढण्यात आले.
मृत भारतीय खलाशाची ओळख अद्याप अधिकृतपणे जाहीर करण्यात आलेली नाही. मात्र भारतीय दूतावासाकडून शोक व्यक्त करण्यात आला आहे. संबंधित देशांच्या अधिकाऱ्यांकडून या घटनेची चौकशी सुरू आहे.
इराक में भारत ने ट्वीट किया, "11 मार्च, 2026 को, मार्शल आइलैंड्स के झंडे के नीचे चल रहे US के क्रूड ऑयल टैंकर, सेफसी विष्णु पर इराक के बसरा के पास हमला हुआ, जिसमें बदकिस्मती से एक भारतीय क्रू मेंबर की जान चली गई। बाकी 15 भारतीय क्रू को सुरक्षित जगह पर पहुंचा दिया गया है।"
"बगदाद… pic.twitter.com/4C7KGR7aLh — ANI_HindiNews (@AHindinews) March 12, 2026
View this post on Instagram
दरम्यान, पश्चिम आशियात सुरू असलेल्या तणावाच्या पार्श्वभूमीवर व्यापारी जहाजांवरील हल्ल्यांच्या घटना वाढत असून समुद्री सुरक्षेबाबत गंभीर चिंता व्यक्त केली जात आहे.
