मुंबई : महाराष्ट्रात लव्ह जिहादच्या घटना वाढू लागल्या आहेत. हिंदू मुलीला प्रेमात पाडायचे निकाह करायचा नंतर तिच्यावर धर्मांतरासाठी दबाव टाकायचा. सतत त्या मुलीवर अत्याचार करायचे. पुढे कोणत्याही कारणाने संसारात वाद वाढले तर संबंधित मुलीची हत्या करायची अथवा तिला प्रत्यक्ष किंवा अप्रत्यक्षरित्या आत्महत्या करायला भाग पाडायचे असे प्रकार वाढू लागले आहेत. ताजी लव्ह जिहादची घटना राज्याची राजधानी मुंबई येथे घडली आहे.
नेमकं घडलं काय ?
डॉक्टर स्तुती बजरंग सोनावणे ही उच्च शिक्षित तरुणी मुंबईतील अँटॉप हिल या परिसरात वास्तव्यास होती.डेटिंग अॅपद्वारे ती लोअर परेल येथे राहणाऱ्या फजल मोहम्मद खान या इसमाला भेटली. वर्षभर ते रिलेशनशिप मध्ये होते. एक वर्षानंतर त्यांच्यात सतत वाद होऊ लागले. फजल तिला वारंवार मारून टाकण्याच्या आणि तू फ्रिज यामध्ये सापडशील या अश्या आशयाच्या धमक्या देऊ लागला होता.
घटना केव्हा घडली?
फजलच्या त्रासाला कंटाळून डॉ. स्तुती सोनावणे हिने आत्महत्या केल्याचा प्राथमिक अंदाज आहे. स्तुतीचे आई वडील जेवण्यासाठी ८ मार्चला बाहेर गेले होते. हे दोघे घरी परतले तेव्हा स्तुती तिच्या खोलीचे दार उघडत नव्हती. दरवाजा तोडला असता स्तुतीने गळफास घेतल्याचे दिसले.
आत्महत्येस प्रवृत्त केल्याप्रकरणी फजल मोहम्मद खान ( ३१ ) याला लोअर परळ येथून अटक करण्यात आली आहे. न्यायालयाने फजल मोहम्मद खान याला एका दिवसाची पोलीस कोठडी सुनावली आहे, चौकशीतून काय समोर येणार याकडे सर्वांचे लक्ष लागले आहे.
