- पिझ्झा दुकान आणि दुचाकी दुकानांवर कारवाईचे दिले आदेश
मुंबई (विशेष प्रतिनिधी)
कांदिवली परिसरातील अनधिकृत फेरीवाल्यांवर कारवाई करतेवेळी जमावाने महागरपालिकेच्या अधिकारी व कर्मचाऱ्यांना केलेल्या मारहाणप्रकरणी मुंबई महानगरपालिका आयुक्त भूषण गगराणी यांनी रविवारी ८ मार्च २०२६ रोजीप्रत्यक्ष घटनास्थळी भेट देऊन पाहणी केली. तसेच, कारवाई करणाऱ्या पथकातील अधिकारी व कर्मचाऱ्यांची भेट घेऊन त्यांची विचारपूस केली. रस्त्यावर उभी करण्यात आलेली वाहने, पदपथांवर निर्माण झालेले अडथळे हे महानगरपालिका आयुक्त गगराणी यांनी प्रत्यक्ष उभे राहून निष्कासित करायला लावले. तसेच, डिलिव्हरीच्या दुचाकी उभ्या करून वाहतुकीस अडथळा निर्माण करणाऱ्या पिझ्झा दुकानाला तात्काळ बंद करण्याचे निर्देश दिले.
उपायुक्त (परिमंडळ ७) डॉ. भाग्यश्री कापसे, सहायक आयुक्त (आर दक्षिण विभाग) आरती गोळेकर, महानगरपालिकेचे संबंधित अधिकारी आणि पोलीस अधिकारी यावेळी उपस्थित होते.
मुबईतील अनधिकृत बांधकामे आणि अनधिकृत फेरीवाल्यांवर वेळोवेळी कारवाई केली जाते. याच अनुषंगाने, कांदिवली येथील विश्वकर्मण्ये चौक (लोखंडवाला सर्कल) परिसरातील अनधिकृत फेरीवाल्यांवर मुंबई महानगरपालिकेच्या आर (दक्षिण) विभागाकडून शनिवारी ७ मार्च २०२६) निष्कासनाची कारवाई करण्यात आली. ही कारवाई सुरू असताना जमावाकडून अधिकारी व कर्मचाऱ्यांना मारहाण करण्यात आली. तसेच, संयंत्रे आणि वाहनांची तोडफोड करण्यात आली. या पार्श्वभूमीवर, मुंबई महानगरपालिका आयुक्त भूषण गगराणी यांनी आज कांदिवली येथील विश्वकर्मण्ये चौक (लोखंडवाला सर्कल) परिसरात भेट देऊन पाहणी केली.
गगराणी यावेळी म्हणाले की, अनधिकृत फेरीवाले आणि पदपथावर अनधिकृतपणे करण्यात येणाऱ्या बांधकामांमुळे वाहतुकीस तसेच पादचाऱ्यांना मार्गक्रमण करण्यास अडथळा निर्माण होतो. तथापि, महानगरपालिकेकडून त्यांच्याविरोधात सातत्याने कारवाई केली जाते. मात्र, नियमानुसार कारवाई करून सेवा बजावणाऱ्या अधिकारी- कर्मचाऱ्यांवर अशाप्रकारे हल्ला करणे हे निंदनीय आहे. प्रशासनाकडून या प्रकरणाची गांभीर्याने दखल घेण्यात आली आहे. हल्ला करणाऱ्या जमावात अनधिकृत फेरीवाल्यांसोबत काही स्थानिक महाविद्यालयीन विद्यार्थ्यांचाही सहभाग असल्याचे निदर्शनास आले आहे. त्यांच्या संबंधित महाविद्यालयांना याबाबत सूचना देऊन कारवाई करण्याच्या सूचनाही त्यांनी यावेळी संबंधित अधिकाऱ्यांना दिल्या.
दरम्यान, वाहतुकीस तसेच पादचाऱ्यांना मार्गक्रमण करण्यास अडथळा निर्माण करणारे अनधिकृत फेरीवाले आणि पदपथावर अनधिकृतपणे बांधकाम करणाऱ्यांविरोधी निष्कासनाची कारवाई यापुढेहीसुरूच राहील, असेही गगराणी यांनी यावेळी स्पष्ट केले.
Sanjay Sakpal March 12, 2026 10:33 AM
बहुत अच्छा काम किया है उन्होंने निवेदन मेंने है संजय सकपाळ अध्यक्ष प्रत्रकार बहुजन समाज संघ बुध्दिस्ट रिसर्च सेंटर फॉर भारत सेंटर फॉर भारत रिपब्लिकन पार्टी ऑफ इंडिया मुंबई व्यसनमुक्त युवक अभियान
मनीषा पाटोळे March 9, 2026 01:18 AM
अनधिकृत बांधकामाना आळा बसलाच पाहिजे.