मुंबई : Apple iPhone 17e नंतर आता Apple च्या पुढील फ्लॅगशिप स्मार्टफोन्सची चर्चा सुरू झाली आहे. कंपनी लवकरच Apple iPhone 18 Pro बाजारात लवकरच आणणार आहे. लॉन्चला अजून वेळ असला तरी काही रिपोर्ट्समधून या फोनच्या डिझाइन, कॅमेरा, बॅटरी आणि हार्डवेअरबद्दल काही माहिती समोर आली आहे.
फ्रंट डिझाइनमध्ये मोठा बदल
रिपोर्टनुसार, यावेळी सर्वात मोठा बदल फोनच्या फ्रंट डिझाइनमध्ये दिसू शकतो. Face ID साठी लागणारे सेन्सर आणि हार्डवेअर डिस्प्लेच्या खाली बसवले जाऊ शकतात. जर असे झाले तर iPhone मध्ये सध्या दिसणारा Dynamic Island हटवला जाऊ शकतो.
त्याऐवजी सेल्फी कॅमेरा स्क्रीनच्या वर डाव्या बाजूला छोट्या होल-पंच स्वरूपात दिसू शकतो. त्यामुळे स्क्रीन अधिक स्वच्छ आणि मोठी वाटेल.
एकूण डिझाइनमध्ये फारसा बदल नाही
काही रिपोर्ट्सनुसार फोनचा एकूण डिझाइन साधारण Apple iPhone 17 Pro सीरीजसारखाच असू शकतो. म्हणजेच बॉडी, मटेरियल आणि कॅमेरा मॉड्यूलच्या डिझाइनमध्ये मोठे बदल नसतील.
कॅमेरा आणि नवीन कलर ऑप्शन
फोनच्या मागील बाजूला कंपनी पूर्वीसारखाच ट्रिपल कॅमेरा सेटअप देऊ शकते, जो थोडा उभ्या कॅमेरा प्लॅटफॉर्मवर असेल.
याशिवाय Apple प्रो मॉडेल्ससाठी काही नवीन रंगांवरही काम करत असल्याचे सांगितले जाते. त्यामध्ये डीप पर्पल, बर्गंडी आणि कॉफी ब्राउन सारखे आपल्याला Apple iPhone 18 Pro मध्ये मिळू शकतात.
कंपनीने अद्याप अधिकृतपणे कोणतीही माहिती जाहीर केलेली नाही. सध्या ही सर्व माहिती लीक रिपोर्ट्सवर आधारित असल्यामुळे या फीचर्सची खरी माहिती फोनच्या अधिकृत लॉन्चवेळीच समोर येईल.
