नागपूर : होळीचा सण म्हणजे रंगाचा आणि पाण्याचा त्याशिवाय होळी ही अपूर्ण, अशीच होळी खेळताना नातवाने आजीवर पिचकारी उडवली आणि आजीने संतापाच्या भरात असं काही केलं की तो लहान मुलगा चक्क ४५ टक्के भाजला.
View this post on Instagram
नेमकं घडलं काय ?
नागपुरातील कोराडी परिसरात होळीच्या दिवशी एक भयंकर आणि संतापजनक घटना घडली आहे. तर झालं असं ओम हरीश वांगे हा चार वर्षांचा चिमुरडा घराबाहेर होळी खेळत होता. त्याच वेळी त्याची आजी गरम घराबाहेरून गरम पाणी घरात नेत होती. खेळण्याचा नादात ओमने आजीच्या अंगावर पिचकारीने पाणी उडवले आणि या किरकोळ घटनेमुळे आजीचा राग अनावर झाला, हातातील बादलीत असलेले पूर्ण गरम पाणी तिने ओमच्या अंगावर ओतले. उकळते पाणी अंगावर पडताच अंग भाजल्याने ओम वेदनेने ओरडू लागला.
ओमचा ओरडाओरड ऐकून शेजारी धावून आले तातडीने त्याच्या अंगावर थंड पाणी जरी ओतले तोपर्यंत कंबरेखालुन मुलगा चांगलाच भाजला आहे. प्राथमिक माहितीनुसार ओम ४५ टक्के भाजला असल्याची माहिती डॉक्टरांनी दिली आहे.
