मध्य-पूर्वेतील महायुद्ध आता जमिनीवरून समुद्रात पोहोचलं आहे. अमेरिकेने इराणला आजवरचा सर्वात मोठा धक्का दिला आहे. अमेरिकन सेंट्रल फोर्सच्या कमांडरने एका व्हिडिओ मेसेजद्वारे खळबळजनक माहिती दिली आहे.
त्या माहितीनुसार, अमेरिकेच्या आक्रमक कारवाईत इराणची १७ लष्करी जहाजं आणि एक महाकाय सबमरीन समुद्रातच नष्ट करण्यात आली आहेत. या कारवाईमुळे इराणच्या नौदलाचे कंबरडे मोडले असून, संपूर्ण आखातात आता इराणचे एकही जहाज शिल्लक नसल्याचा दावा अमेरिकेने केला आहे.
अमेरिकन कमांडरच्या म्हणण्यानुसार, अरबी खाडी, होर्मुझची सामुद्रधुनी आणि ओमानची खाडी या महत्त्वाच्या सागरी मार्गांवरून इराणचे वर्चस्व पूर्णपणे संपवण्यात आले आहे. इराणने आतापर्यंत ५०० हून अधिक बॅलिस्टिक मिसाइल्स आणि २,००० पेक्षा जास्त ड्रोन्स डागूनही अमेरिकेच्या या सागरी हल्ल्यामुळे इराण बॅकफूटवर गेला आहे.
दुसरीकडे, लेबनान सीमेवर रॉकेट हल्ल्यांच्या इशाऱ्यामुळे सायरन वाजू लागले असून नागरिकांना तातडीने बंकरमध्ये जाण्याचे आदेश देण्यात आले आहेत.
जगाला इंधन पुरवठा करणाऱ्या इराणवर हल्ले झाल्यामुळे कच्च्या तेलाच्या किमतीत मोठी वाढ होण्याची आणि पुरवठा साखळी विस्कळीत होण्याची भीती व्यक्त केली जात आहे.
