मुंबई : राज्य शासनाने बुधवारी दोघा सनदी अधिकाऱ्यांच्या बदल्यांचे आदेश जारी केले असून, पुणे महानगर प्रदेश विकास प्राधिकरणाच्या (पीएमआरडीए) आयुक्तपदी डॉ. अभिजित चौधरी यांची नियुक्ती करण्यात आली आहे. ते सध्या नागपूर महानगरपालिकेचे आयुक्त म्हणून कार्यरत होते.
दुसरीकडे, 'पीएमआरडीए'चे विद्यमान महानगर आयुक्त योगेश म्हसे मंत्रालयातील अल्पसंख्याक विकास विभागाच्या सचिवपदी बदली करण्यात आली आहे. पुण्याच्या रिंग रोडसह अन्य महत्त्वाकांक्षी प्रकल्पांना गती देण्याची जबाबदारी आता डॉ. चौधरी यांच्यावर असेल.
