आयसीसी क्रमवारीमध्ये भारतीय महिला संघाची उपकर्णधार स्मृती मानधना एकदिवसीय फलंदाजांमध्ये अव्वल स्थानावर विराजमान झाली आहे. ऑस्ट्रेलियाविरुद्धच्या नुकत्याच संपलेल्या तीन सामन्यांच्या एकदिवसीय मालिकेतील मानधनाच्या दमदार कामगिरीमुळे तिला आयसीसी रँकिंग मध्ये पुन्हा एकदा अव्वल स्थान मिळाले आहे.
स्मृती मानधनाने दक्षिण आफ्रिकेच्या लॉरे वोल्वार्डला मागे टाकत ७९० गुणांसह अव्वल स्थान पटकावले आहे. तर वोल्वार्ड सध्या ७८२ गुणांसह दुसऱ्या स्थानावर आहे. आपल्या शेवटच्या एकदिवसीय सामन्यात शतक झळकावणारी एलिसा हीली ७४४ गुणांसह चौथ्या स्थानावर राहिली. बेथ मुनी तिसऱ्या स्थानावर तर अॅशले गार्डनर (७२४) पाचव्या स्थानावर आहे. भारतीय कर्णधार हरमनप्रीत कौर नवव्या स्थानावर आणि जेमिमा रॉड्रिग्ज १२ व्या स्थानावर आहे.
तर गोलंदाजीमध्ये अलिना किंग (७७५) ने अव्वल स्थान पटकावले आहे.
गार्डनर (५१६) एकदिवसीय अष्टपैलू क्रिकेटपटूंच्या क्रमवारीत अव्वल स्थानावर आहे, दुसऱ्या स्थानावर असलेल्या वेस्ट इंडिजच्या हेली मॅथ्यूज (४१८) वर ९८ गुणांची आघाडी कायम ठेवली आहे. सदरलँड (५३४) २३ स्थानांनी झेप घेऊन ३४ व्या स्थानावर पोहोचली आहे. दीप्ती पाचव्या स्थानावर असून ती अष्टपैलू क्रिकेटपटूंच्या यादीत पहिल्या १० मध्ये आहे.
