WhatsApp वेब वापरकर्त्यांना त्यांच्या खात्यात लॉग-इन करताना अडचणींचा सामना करावा लागत आहे. Downdetector या संकेतस्थळावर या बिघाडासंदर्भात २५ तक्रारी नोंदवण्यात आल्या आहेत. यावरून ही समस्या सर्वत्र नसून काही ठराविक भागापुरती मर्यादित आहे. मिळालेल्या माहितीनुसार, सुमारे ५६ टक्के वापरकर्त्यांनी वेबसाइटबाबत समस्या नोंदवल्या आहेत. ३९ टक्के वापरकर्त्यांनी अॅपबाबत अडचणी सांगितल्या आहेत, तर ६ टक्के वापरकर्त्यांना मेसेजिंगमध्ये अडथळे आले आहेत.
दरम्यान, अनेक वापरकर्त्यांनी सोशल मीडियावर इतरांनाही अशाच अडचणी येत आहेत का, याची चौकशी करण्यास सुरुवात केली आहे. विशेषतः आयफोन वापरकर्त्यांवर याचा अधिक परिणाम होत असल्याचे दिसत आहे, तर Android वापरकर्त्यांसाठी सेवा सुरळीत आहे.
लॉग-इन त्रुटींमुळे X वर वापरकर्त्यांची तक्रार :
काही वापरकर्त्यांनी त्यांच्या उपकरणांशी, विशेषतः iPhone शी, WhatsApp वेब लिंक करताना अडचणी येत असल्याची तक्रार X या प्लॅटफॉर्मवर केली.
एका वापरकर्त्याने लिहिले, “सर्वांसाठी WhatsApp बंद आहे का?!!! iPhone आणि लिंक्ड डिव्हाइसेसवर लॉग-इन करण्याचा तासभर प्रयत्न करतोय.”
दुसऱ्या वापरकर्त्याने पोस्ट केले, “iPhone वापरकर्त्यांसाठी WhatsApp Web बंद आहे का? सकाळपासून अनेक लोक तक्रारी करत आहेत.”
आपली नाराजी व्यक्त करत आणखी एका वापरकर्त्याने म्हटले, “WHATSAPP WEB ERROR, मी काम करू शकत नाही @WhatsApp.”
या पोस्टवरून अनेक वापरकर्त्यांना WhatsApp वेबवर लॉग-इन आणि कनेक्टिव्हिटीसंदर्भात समान अडचणी येत असल्याचे स्पष्ट होते.
WhatsApp वेबमध्ये बिघाड कायम; Meta कडून अद्याप प्रतिसाद नाही :
या बिघाडाबाबत Meta Platforms किंवा WhatsApp कडून तात्काळ कोणताही प्रतिसाद देण्यात आलेला नाही.
