मुंबई : मनोरंजन क्षेत्रातील सर्वांची आवडती जोडी आणि चाहते ज्यांच्या लग्नाची आतुरतेने वाट पाहत होते असे दाक्षिणात्य अभिनेता विजय देवरकोंडा आणि रश्मीका मंदाना अखेर विवाह बंधनात अडकले आहेत
आज २६ फेब्रुवारी २०२६ ला राजस्थानच्या उदयपूरमध्ये दोघांनी आयटीसी मेमेंटोज येथे लग्नगाठ बांधली. विवाह सोहळा हा दोघांच्या रितीरिवाजने संपन्न झाला आहे. सकाळी पारंपरिक तेलगू पद्धतीने तर संध्याकाळी रश्मिकाचा कोडवा पद्धतीने करण्यात आला. लग्न अगदीच जवळच्या मोजक्या पाहुण्यांच्या उपस्तिथीत पार पडले. अत्यंत साध्या आणि पारंपरिक पद्धतीने, शांततेत विवाह सोहळा संपन्न झाला.
View this post on Instagram
विजय आणि रश्मिकाने लग्नसोहळ्यात पारंपरिक दाक्षिणात्य पेहराव केल्याचे पाहायला मिळत आहे, लाल रंगाची साडी, गळ्यात सोन्याच्या माळा - हार -बाजूबंद-, हातात पारंपरिक बांगड्या, कमरपट्टा, नववधू असावी तर अशीच तर विजयने सुद्धा धोतर , लाल रंगाचा शेला असा शाही पेहराव केला होता .
विवाहसोहळ्याचे फोटो इन्टाग्राम अकाउंटवर शेअर केले आहेत. ज्यावर चाहत्यांनी कमेंट्स आणि लाईक्सचा पाऊस पाडला आहे. अखेर चाहत्यांची ईच्छा पूर्ण झाली असून सर्वजण वधूवरांना कमेंट्स मधून शुभाशीर्वाद देत आहेत.
