कोलंबो : आर. प्रेमदासा स्टेडियम येथे आयसीसी पुरुष टी ट्वेंटी वर्ल्डकपमधील सुपर ८ फेरीतल्या श्रीलंका विरुद्ध न्यूझीलंड सामन्यात न्यूझीलंडचा ६१ धावांनी विजय झाला. या सामन्यात नाणेफेक जिंकून श्रीलंकेने गोलंदाजीचा निर्णय घेतला. प्रथम फलंदाजी करणाऱ्या न्यूझीलंडने २० षटकांत सात बाद १६८ धावा केल्या. धावांचा पाठलाग करणाऱ्या श्रीलंकेला २० षटकांत आठ बाद १०७ धावा करणेच जमले. न्यूझीलंडचा रचिन रवींद्र सामनावीर झाला, त्याने श्रीलंकेच्या चार फलंदाजांना बाद केले तसेच न्यूझीलंडसाठी ३२ धावांचे योगदान दिले.
श्रीलंकेची हाराकिरी
न्यूझीलंडने दिलेल्या आव्हानाला सामोऱ्या जात असलेल्या श्रीलंकेच्या फलंदाजांनी हाराकिरी केली. त्यांचा एक फलंदाज शून्यावर बाद झाला तर पाच फलंदाजांनी १० पेक्षा कमी धावा केल्या. पथुम निस्सांकाने शून्य, कुसल मेंडिसने ११, चरिथ असलंकाने ५, पवन रथनायकेने १०, कामिंडू मेंडिसने ३१, दासुन शनाकाने ३, दुषण हेमंथने ३, डुनिथ वेलागेने २९, दुष्मंथ चामीराने नाबाद ७, महेश थीकशनने नाबाद १ धावांचे योगदान दिले. न्यूझीलंडकडून रचिन रवींद्रने ४, मॅट हेन्रीने २, मिचेल सँटनरने १ आणि ग्लेन फिलिप्सने १ विकेट घेतली. मॅट हेन्रीने दोन पैकी एक निर्धाव षटक टाकले आणि फक्त ३ धावा देत सलामीवीर पथुम निस्सांकाला शून्य धावांवर त्रिफळाचीत केले तसेच चरिथ असलंकाला पाच धावांवर डॅरिल मिशेलकरवी झेलबाद केले.
कोलंबो : आर. प्रेमदासा स्टेडियम येथे आयसीसी पुरुष टी ट्वेंटी वर्ल्डकपमधील सुपर ८ फेरीतला श्रीलंका विरुद्ध न्यूझीलंड हा सामना सुरू आहे. या सामन्यात ...
न्यूझीलंडची फलंदाजी
प्रथम फलंदाजी करताना न्यूझीलंडकडून कर्णधार मिचेल सँटनरने सर्वाधिक ४७ धावा केल्या. त्याने २६ चेंडूत ४ षटकार आणि २ चौकार मारले. किवींकडून टिम सेफर्टने ८, फिन ऍलनने २३, रचिन रवींद्रने ३२, ग्लेन फिलिप्सने १८, डॅरिल मिशेलने ३, मार्क चॅपमनने शून्य, मिचेल सँटनरने ४७, कोल मॅककोन्चीने नाबाद ३१ धावा केल्या. श्रीलंकेकडून महेश थीकशनने ४ षटकांत ३० धावा देत ३ बळी घेतले तर दुष्मंथा चामीराने ४ षटकांत ३८ धावा देत ३ बळी घेतले. डुनिथ वेलागेने ४ षटकांत २७ धावा देत एक बळी घेतला.
