मुंबई : टी-ट्वेंटी वर्ल्ड कपच्या सुपर 8 च्या थरारक सामन्यांना आजपासून सुरूवात होत आहे. आज पाकिस्तान आणि न्यूझीलंड यांच्यात रोमांचक सामना खेळवला जाणार आहे. तर भारत आणि साऊथ अफ्रिका या दोन बलाढ्य संघांमध्ये उद्या म्हणजेच रविवार २२ फेब्रुवारी रोजी सामना होणार आहे. हा भारताचा सुपर ८ फेरीतील पहिला सामना असणार आहे.
मात्र अशातच मिळालेल्या माहितीनुसार चालू स्पर्धेत दक्षिण आफ्रिका संघाने आपल्या कर्णधार पदाची धुरा दुसऱ्या खेळाडूवर सोपवली आहे. मात्र हा कर्णधार टी-ट्वेंटी वर्ल्ड कपचा नाही तर न्यूझीलंड सिरीजचा असणार असल्याचे दक्षिण आफ्रिका बोर्डाने स्पष्ट केले आहे.
लवकरच दक्षिण आफ्रिका आणि न्यूझीलंड यांच्यात सामना रंगणार आहे. १५ मार्च पासून या मालिकेला सुरुवात होईल. याच न्यूझीलंडविरुद्धच्या सिरीजसाठी साऊथ अफ्रिकेने केशव महाराज याची कर्णधारपदी नियुक्ती केली असून नव्या खेळाडूंना या सिरीजमध्ये संधी मिळाली आहे.
दरम्यान, साऊथ अफ्रिकेचा रेग्युलर कॅप्टन अॅडम मार्करम हा या सिरीजमध्ये खेळणार नसल्याने आता केशव महाराज याच्या खांद्यावर मोठी जबाबदारी असणार आहे.