- मुंबईच्या चारकोपमध्ये पान टपऱ्यांवर धाडी, अमली पदार्थांची जप्ती
मुंबई : भाजपा आमदाराकडून चारकोप परिसरात मोठी कारवाई करण्यात आली आहे. चारकोप विधानसभेचे भाजप आमदार योगेश सागर यांनी आपल्या विधानसभा क्षेत्रामध्ये पान शॉप च्या नावाखाली चाललेल्या अमली पदार्थाच्या विक्रीचा गैरप्रकार पोलिसांसमोर आणला आहे. पान टपरीवर धाड टाकून त्यांनी त्या दुकानातील साहित्य जप्त केले.
गेल्या अनेक दिवसांपासून कांदिवली महावीर नगर सहा या परिसरात टपरीवर पान, सिगारेटच्या नावाखाली अनेक वेगवेगळ्या प्रकारचे अमली पदार्थ विकले जात आहेत अशी माहिती आमदार योगेश यांना मिळाली. त्यानंतर त्यांनी स्थानिक पोलिसांची मदत घेऊन टपरीवर धाड टाकली.
View this post on Instagram
यावेळी आमदार योगेश सागर यांच्यासोबत नगरसेवक बाळा तावडे, स्थानिक नगरसेविका लीना देहेरकर, हिमांशू पारेख माजी नगरसेविका प्रतिभा गिरकर तसेच पक्षाचे पदाधिकारी उपस्थित होते. त्यांनी एकाच वेळी महावीर नगर परिसरातील अनेक पान टपरीवर धाड मारली.
