मुंबई : बॉलिवूडमध्ये सध्या कायदेशीर कारवाईचे सत्र सुरू असून, अभिनेता राजपाल यादव नंतर आता अभिनेत्री अमिषा पटेल हिच्यावर अटकेची टांगती तलवार आहे. २०१७ मधील एका फसवणुकीच्या प्रकरणात मुरादाबाद न्यायालयाने अमिषा विरोधात अजामीनपात्र वॉरंट (NBW) जारी केले आहे. मुरादाबादमधील 'ड्रीम व्हिजन' इव्हेंट कंपनीचे मालक पवन कुमार वर्मा यांनी अमिषा विरोधात खटला दाखल केला होता. त्यांच्या दाव्यानुसार, एका विवाहसोहळ्यात डान्स परफॉर्मन्स देण्यासाठी अमिषाला ११ लाख रुपये आगाऊ (Advance) देण्यात आले होते, मात्र तिने ऐनवेळी कार्यक्रमाला येण्यास नकार दिला. त्यानंतर पैसे परत करण्याच्या मागणीनंतर अमिषाने दिलेला धनादेश (Check) बँकेत बाऊन्स झाला. या प्रकरणाच्या सुनावणीसाठी वारंवार समन्स बजावूनही अमिषा कोर्टात हजर न राहिल्याने न्यायालयाने हा कठोर निर्णय घेतला आहे. यामुळे अमिषाला आता तात्काळ न्यायालयात हजर व्हावे लागेल, अन्यथा तिला कोणत्याही क्षणी अटक होण्याची शक्यता आहे.
मुंबई : महाराष्ट्र विधानमंडळाच्या २०२६ च्या अर्थसंकल्पीय अधिवेशनाची अधिकृत दिनदर्शिका जाहीर झाली आहे. हे अधिवेशन २३ फेब्रुवारी ते २५ मार्च २०२६ या ...
वारंवार समन्स बजावूनही न्यायालयाच्या आदेशांकडे पाठ फिरवणे अभिनेत्री अमिषा पटेलला आता चांगलेच महागात पडणार आहे. शूटिंगचे व्यस्त वेळापत्रक आणि वकिलांची अनुपस्थिती यांसारखी कारणे देऊन अमिषा आजवर सुनावणीला दांडी मारत होती. मात्र, आता न्यायालयाच्या संयमाचा बांध सुटला असून, "न्यायालयाची अवहेलना सहन केली जाणार नाही," अशा कडक शब्दांत ताकीद देत तिच्याविरोधात अजामीनपात्र वॉरंट बजावण्यात आले आहे. मुरादाबाद न्यायालयाने या प्रकरणाची पुढील सुनावणी २७ मार्च २०२६ रोजी निश्चित केली आहे. जर अमिषा या तारखेला न्यायालयात हजर झाली नाही, तर पोलिसांना तिला कोणत्याही परिस्थितीत अटक करून कोर्टात हजर करावे लागेल. अभिनेता राजपाल यादवला झालेल्या तुरुंगवासानंतर आता अमिषावर ओढवलेल्या या प्रसंगामुळे बॉलिवूडमधील सेलिब्रिटींच्या आर्थिक व्यवहारांची आणि कायदेशीर गांभीर्याची पुन्हा एकदा चर्चा सुरू झाली आहे.
