मुंबई : हिंदवी स्वराज्याचे संस्थापक छत्रपती शिवाजी महाराज यांची यंदा १९ फेब्रुवारी रोजी ३९६ वी जयंती आहे. यंदा ३९६ वा शिवजयंती महोत्सव अंदमान निकोबार येथील पोर्टब्लेअर या ऐतिहासीक बेटावर साजरा होणार आहे. अंदमान निकोबार मधील शिवजयंती महोत्सवास रिपब्लिकन पक्षाचे अध्यक्ष केंद्रीय सामाजिक न्याय राज्यमंत्री ना. रामदास आठवले प्रमुख अतिथी म्हणुन उपस्थित राहणार आहेत. यंदाचा शिवजयंती महोत्सव आपण अंदमान निकोबार या ऐतिहासीक केंद्रशासीत प्रदेशात साजरा करणार असल्याची माहिती ना. रामदास आठवले यांनी दिली आहे.
भारतीय स्वातंत्र्य लढयात अंदमान निकोबारचे ऐतिहासीक महत्व आहे. अंदमान निकोबार येथे स्वातंत्र्यवीर सावरकरांना काळया पाण्याची शिक्षा झाली होती. अंदमान निकोबार येथील तुरंगात ब्रिटीशांनी पारतंत्र्याच्या काळात स्वातंत्र सैनिकांना डांबुन ठेवले जात होते. अंदमान निकोबार येथे भारतीय स्वांतत्र लढयाच्या अनेक ऐतिहासीक खुणा आहेत. या ऐतिहासीक अंदमान निकोबारच्या पोर्टब्लेअर येथील मराठी मंडळाच्या वतीने छत्रपती शिवाजी महाराज यांचा जयंती महोत्सव आयोजित करण्यात आला असून त्यास ना. रामदास आठवले प्रमुख अतिथी म्हणून उपस्थित राहणार आहेत. अशी माहिती रिपब्लिकन पक्षाच्या वतीने प्रसिध्दी पत्रकाद्वारे देण्यात आली आहे.
