उद्धव ठाकरे यांच्या चिंतेत वाढ झाली आहे. सूत्रांनी दिलेल्या माहितीनुसार उद्धव ठाकरे यांच्या मुलाची प्रकृती बिघडली असून गेल्या ३ दिवसांपासून रुग्णालयात त्याच्यावर उपचार सुरु आहेत.
उद्धव ठाकरे यांचं शेंडेफळ तेजस ठाकरे यांची अचानक तब्येत बिघाली आहे. गेल्या तीन दिवसांपासून त्यांच्यावर मुंबईत उपचार सुरू आहेत. त्यांच्या तब्येतीत सुधारणा होत असल्याची माहिती आहे. त्याच्यावर मुंबईतील रिलायन्स रुग्णालयात उपचार सुरू असल्याची प्राथमिक माहिती समोर आली आहे.
सध्या रुग्णालयात तेजस ठाकरे यांची काळजी घेण्यासाठी रश्मी ठाकरे, उद्धव ठाकरे उपस्थित आहेत. तसेच ठाकरे कुटुंबातील इतर सदस्यांनीही तेजस ठाकरे यांची भेट घेऊन त्यांच्या प्रकृतीची माहिती घेतलीआहे.
कोण आहेत तेजस ठाकरे ?
- तेजस ठाकरे वन्यजीव संशोधक आहेत.
- फेब्रुवारी २०१६ मध्ये ठाकरे यांनी गोड्या पाण्यातील खेकड्यांच्या ५ नवीन प्रजाती शोधून काढल्या.
- त्यापैकी एकाला त्यांच्या आडनावावरून नाव देण्यात आले.
- सप्टेंबर २०१९ मध्ये, महाराष्ट्रातील पश्चिम घाटात सापांची एक नवीन प्रजाती शोधली.
