पनवेल : भरधाव टेम्पोने समोरुन स्कूल बसला धडक दिल्याने झालेल्या अपघातात दोन शालेय विद्यार्थी जखमी झाल्याची घटना पनवेल जवळील पुणे-मुंबई हायवेवर पारपुंड गावाजवळील वेलकम हॉटेलच्या समोरील रस्त्यावर घडली आहे.
संदीप मोहिते विद्यार्थ्यांनी भरलेली स्कूलबस घेऊन जात होता त्याचवेळी मिलिंद सपकाळने टेम्पो बेजबाबदारपणे चालवत पुढे आणला. यामुळे टेम्पो आणि स्कूलबस यांची समोरून एकमेकांना धडक बसली.
अपघातात स्कूल बसमधील आठ वर्षीय मुलगी तसेच १६ वर्षीय मुलगा हे दोघे जखमी झाले आहेत. तसेच स्कूल बसचे सुद्धा नुकसान झाले आहे. या अपघाताची नोंद पनवेल शहर पोलीस ठाण्यात करण्यात आली असून टेम्पो चालकाला पनवेल शहर पोलिसांनी ताब्यात घेतले आहे. पुढील तपास सपोनि सचिन पोवार करीत आहेत.
