सिंधुदुर्ग: राज्यातील १२ जिल्हा परिषदा आणि १२५ पंचायत समित्यांच्या निवडणुकीचा रणसंग्राम आता अंतिम टप्प्यात पोहोचला असून, मतमोजणीला सुरुवात झाली आहे. ७३१ जिल्हा परिषद जागांपैकी पहिल्या २०० जागांचे कल हाती आले असून, यामध्ये सत्ताधारी महायुतीने स्पष्ट वर्चस्व मिळवल्याचे दिसून येत आहे. शनिवारी पार पडलेल्या या मतदानामध्ये ७ हजार ४३८ उमेदवारांचे भवितव्य मतपेटीत बंद झाले होते. या निवडणुकीत भाजप मोठा पक्ष ठरला आहे. या निवडणुकीत भाजप शंभरी पार गेला.
अशातच सिंधुदुर्ग जिल्ह्यातील देवगड तालुक्याचा निकाल जाहीर झाला असून यामध्ये भाजप महायुतीला घवघवीत यश मिळालं आहे. जिल्ह्यातील ५० जागांपैकी ३६ जागांचा निकाल जाहीर झाला असून भाजपाला २१ जागा, शिवसेनेला ८, उबाठा २ जागा तर इतर ५ जागांवर आघाडी घेतली आहे.
भाजपाचे आमदार नितेश राणे यांनी जिल्हा परिषद व पंचायत समितीच्या निवडणुकीसाठी जोरदार मोर्चेबांधणी केली होती. त्यामुळे आता देवगड तालुक्यात भाजपा महायुतीने आपली मजबूत पकड कायम ठेवत यश संपादन केले आहे.
विजयी उमेदवारांची नावे:
पुरळ जिल्हा परिषद गट संजय बोबडी (भाजप - महायुती)
पुरळ पंचायत समिती गण संजना आळवे (भाजप महायुती)
तिरलोट पंचायत समिती गण रवी तिरलोटकर (भाजप महायुती)
शिरगाव जिल्हा परिषद गट देवदत्त दामोदर कदम (भाजप महायुती)
तळवडे पंचायत समिती गण सलोनी संतोष तळवडेकर (शिवसेना - महायुती)
