अहमदाबाद : आयसीसी पुरुष टी ट्वेंटी वर्ल्डकपमध्ये कॅनडा विरूद्धच्या सामन्यात दक्षिण आफ्रिकेने मोठा विजय मिळवला. नाणेफेक जिंकून गोलंदाजी निर्णय घेणे कॅनडाला भोवले. प्रथम फलंदाजी करणाऱ्या दक्षिण आफ्रिकेने २० षटकांत चार बाद २१३ धावा केल्या. नंतर २० षटकांत २१४ धावा करण्याच्या आव्हानाचा पाठलाग करण्यासाठी कॅनडाचा संघ मैदानात उतरला. पण दक्षिण आफ्रिकेच्या प्रभावी गोलंदाजीपुढे कॅनडाची डाळ शिजली नाही. कॅनडाने २० षटकांत आठ बाद १५६ धावा एवढीच मजल मारली. दक्षिण आफ्रिकेचा ५७ धावांनी विजय झाला.
दक्षिण आफ्रिकेचा लुंगी न्गिडी हा गोलंदाज सामनावीर झाला. त्याने कॅनडाच्या चार फलंदाजांना बाद केले. लुंगी न्गिडीने कर्णधार असलेल्या दिलप्रीत बाजवा (शून्य धावा), युवराज समरा (१२ धावा), निकोलस किर्टन (चार धावा) आणि हर्ष ठाकर (३३ धावा) या चौघांना बाद केले.
कॅनडाकडून दिलप्रीत बाजवाने शून्य, युवराज समराने १२, नवनीत धालीवालने ६४, निकोलस किर्टनने ४, श्रेयस मोव्वाने ९, हर्ष ठाकरने ३३, साद बिन जफरने ११, जसकरण सिंगने शून्य, दिलोन हेलिगरने नाबाद ४, कलीम सनाने नाबाद ५ धावांचे योगदान दिले. दक्षिण आफ्रिकेच्या लुंगी न्गिडीने चार, मार्को जॅनसेनने दोन तर कॉर्बिन बॉश आणि कगिसो रबाडाने प्रत्येकी एक विकेट घेतली.
याआधी दक्षिण आफ्रिकेकडून एडेन मर्करामने ३२ चेंडूत १० चौकार आणि एक षटकार मारत ५९ धावा केल्या. क्विंटन डी कॉकने त्याला छान साथ देत २२ चेंडूत २५ धावा करताना दोन चौकार मारले. नंतर आलेल्या रायन रिकेलटनने २१ चेंडूत तीन चौकार आणि एक षटकार मारत वेगाने ३३ धावा केल्या. डेवॉल्ड ब्रेव्हिसने ६ धावा केल्या. डेव्हिड मिलरने नाबाद ३९ आणि ट्रिस्टन स्टब्सने नाबाद ३४ धावांचे योगदान दिले. कॅनडाकडून अंश पटेलने ३ तर दीलप्रीत बाजवाने एक विकेट घेतली.