दिल्ली: हवामान खात्याने जम्मू-काश्मीर आणि हिमाचल प्रदेशात हलका पाऊस आणि हिमवृष्टीचा इशारा दिला आहे. आयएमडीने म्हटले की, पश्चिमी विक्षोभाच्या प्रभावामुळे, ९ ते ११ फेब्रुवारी दरम्यान पश्चिम हिमालयीन प्रदेशात पाऊस आणि हिमवृष्टी होण्याची शक्यता आहे. उत्तर प्रदेश आणि उत्तराखंडमध्ये दाट धुक्याचा इशारा जारी करण्यात आला आहे. उत्तर प्रदेशात ऑरेंज अलर्ट आणि उत्तराखंडमध्ये यलो अलर्ट जारी करण्यात आला आहे. हवामान खात्याने म्हटले आहे की, तामिळनाडू आणि आंध्र प्रदेशच्या किनारपट्टी भागातही दाट धुके दिसू शकते. पुढील ७ दिवसांत देशाच्या उर्वरित भागात कोणताही महत्त्वपूर्ण हवामान बदल होणार नाही.
पुढील दोन दिवसांत वायव्य भारतातील किमान तापमानात हळूहळू २ अंश सेल्सिअसपर्यंत वाढ होण्याची शक्यता आहे. त्यानंतर, पुढील दोन दिवसांत ते सुमारे २ अंश सेल्सिअसने कमी होईल आणि त्यानंतर पुढील तीन दिवसांत कोणताही महत्त्वपूर्ण बदल होणार नाही.
मध्यप्रदेश, महाराष्ट्रात हवामान कसे असेल?
पुढील २४ तासांत मध्य भारतात किमान तापमानात कोणताही लक्षणीय बदल होणार नाही आणि त्यानंतर पुढील चार दिवसांत ते २-४ अंश सेल्सिअसने वाढू शकते. तसेच पुढील २४ तासात महाराष्ट्रात किमान तापमानात कोणताही लक्षणीय बदल होणार नाही.
९ ते १० फेब्रुवारी दरम्यान जम्मू-काश्मीर आणि हिमाचल प्रदेशात हलका पाऊस आणि बर्फवृष्टी होऊ शकते. पुढील आठवड्यात हवामानात कोणताही मोठा बदल होणार नाही.
पंजाब-हरियाणामध्ये कडाक्याची थंडी
रविवारी पंजाबच्या अनेक भागात कडाक्याची थंडी जाणवली, ज्यामध्ये फरीदकोट आणि होशियारपूरमध्ये किमान तापमान पाच अंश सेल्सिअस नोंदवले गेले, असे अधिकाऱ्यांनी सांगितले. भारतीय हवामान खात्यानुसार, पंजाबमधील इतर ठिकाणांसह, फिरोजपूरमध्ये किमान तापमान ५.६ अंश सेल्सिअस, अमृतसरमध्ये ५.७ अंश सेल्सिअस, बठिंडामध्ये ६.२ अंश सेल्सिअस, गुरुदासपूरमध्ये ७ अंश सेल्सिअस, लुधियानामध्ये ९.४ अंश सेल्सिअस आणि पटियालामध्ये ९.३ अंश सेल्सिअस नोंदवले गेले. पंजाब आणि हरियाणाची संयुक्त राजधानी असलेल्या चंदीगडमध्ये किमान तापमान आठ अंश सेल्सिअस नोंदवले गेले. हरियाणात, कर्नालमध्ये किमान तापमान ७.२ अंश सेल्सिअस, गुरुग्राममध्ये ८.१ अंश सेल्सिअस, नारनौलमध्ये ८.५ अंश सेल्सिअस, हिसारमध्ये ८.३ अंश सेल्सिअस, तर अंबालामध्ये किमान तापमान ९.२ अंश सेल्सिअस नोंदवले गेले.
