मुंबई: एका मोठ्या तमिळ सुपरस्टारची मुलगी असूनही, श्रुती हासन या अभिनेत्रीने चित्रपटसृष्टीत आपली स्वतःची अशी एक वेगळी ओळख निर्माण केली आहे. श्रुती अभिनेत्री सोबतच एक अनुभवी पॅन-इंडिया स्टार देखील आहे. नुकताच तिची एक मुलाखत सोशल मीडियावर व्हायरल होत आहे. या मुलाखतीमध्ये तिने अनेक खुलासे केले आहेत. तिने तिच्या बालपणाविषयी, आई-वडलांविषयी आणि आपल्या नास्तिक असण्याविषयी खुलासा केला आहे.
श्रुती हासनच्या नावावर अनेक लोकप्रिय तेलुगु, तमिळ आणि हिंदी चित्रपट आहेत, ज्यात सलार: भाग १ - युद्धबंदी (२०२३), गब्बर सिंग (२०१२), रेस गुर्रम (२०१४), श्रीमंथुडू (२०१५) सारख्या चित्रपटांचा समावेश आहे.
धर्म आणि देव ही संकल्पना आमच्यासाठी अस्तित्वात नव्हती:
अभिनेत्रीने आपल्या कुंटुंबाबद्दल सांगितले की तिचे कुटुंब देवाला मानत नाही. "आम्ही एका नास्तिक, धर्मरहित कुटुंबात वाढलो. मी असे म्हटले तर माझ्या वडिलांना ते आवडत नाही. आमच्या घरी देवाला स्थान नव्हते, तसेच मंगळवारी मांसाहारी जेवण खायला कोणतीच बंधने नव्हती. धर्म आणि देव ही संकल्पना आमच्यासाठी अस्तित्वात नव्हती. म्हणूनच, लहानपणापासूनच, कला हेच देव आहे हे माझ्या मनात रुजले होते."
मी विक्का आणि मूर्तिपूजेवर विश्वास ठेवते:
श्रुती पुढे म्हणाली की; "जर तुम्ही पप्पांशी ज्योतिषाबद्दल बोललात तर ते तुम्हाला पळवून लावतील. तोे खूप सर्जनशील आणि व्यावहारिक आहे. त्यांना टॅटूही आवडत नाहीत. ते त्यांचा तिरस्कार करतात." तिने पुढे सांगितले की ती विक्का (निसर्ग देवतांची पूजा) वर विश्वास ठेवते. "आमचे पूर्वज महिला होत्या. म्हणूनच मी विक्का आणि मूर्तिपूजेवर विश्वास ठेवते. आम्ही अशा चेटकिणींची नातवंडं आहोत ज्यांना जाळता येत नव्हते. मला वाटते की त्यांचे रक्त माझ्या नसांमध्ये वाहते."
माझे आईवडील कधीच शाळेत आले नाहीत’:
श्रुतीचे आईवडील दोघेही अभिनेते आहेत हे लक्षात घेता, तिचे बालपण एक वेगळे आणि मनोरंजक होते. श्रुती त्याला ‘असामान्य’ बालपण म्हणते. “माझ्या वडिलांच्या आणि आईच्या कारकिर्दीमुळे ते मजेदार होते, ते रोमांचक होते. त्या अर्थाने माझे बालपण एक असामान्य होते. जसे की, आम्ही चित्रपटांच्या सेटवर वाढलो. तुम्ही पाच वर्षांचे असता तेव्हा ते खूपच छान असते. आम्ही सर्व मोठ्या कलाकारांना भेटायचो, प्रवास करायचो आणि अद्भुत ठिकाणे पाहायचो.”
