मुंबई: ऐन लग्नसराईमध्ये सोन्या-चांदीच्या किमतींमध्ये (Gold and silver Rate) घट झाल्याने ग्राहकांना काहीसा दिलासा मिळाला आहे. गेल्या काही दिवसांपासून सोने आणि चांदीच्या दरात चढ-उतार सुरु होते. मात्र आज म्हणजेच शुक्रवार ६ फेब्रुवारी रोजी सोन्या-चांदीच्या दरात मोठी घसरण झाली आहे.
भारत युरोप मुक्त व्यापार करारानंतर आता भारत अमेरिका या दोन देशांमध्ये मुक्त करार (US-India Trade Deal) झाल्याने भारतीय बाजारपेठेत मोठी उलथापालथ सुरू होती. त्याचाच परिणाम म्हणून सोन्या-चांदीच्या दरात चढ-उतार होताना दिसत आहेत.
जाणून घ्या आजचे दर:
आज (६ फेब्रुवारी) सकाळी ९ वाजता एमसीएक्सवर चांदीच्या किमती प्रति किलो १५ हजार रुपयांनी घसरल्या. चांदीची किंमत प्रति किलोसाठी २ लाख २९ हजार ८७२ रुपयांवर पोहोचली. एमसीएक्सवर चांदीने ६% कमी सर्किट मारले. एवढंच नव्हे तर सोन्याच्या किमतीतही आज ०.८२ टक्क्यांनी घसरण दिसून येत आहे. सोन्याची किंमत प्रति १० ग्रॅमसाठी १ लाख ५० हजार ६७५ रुपये इतकी झाली आहे.