मुंबई: माघ महिन्यातील कृष्ण पक्षात येणारी संकष्ट चतुर्थी ( संकष्टी चतुर्थी) आज 5 फेब्रुवारीला (गुरुवार) साजरी केली जाणार आहे. संकष्टी दिवशी गणपती बाप्पाची उपासना केल्यास संकटांचा नाश होऊन सुख-समृद्धी लाभते, अशी धार्मिक मान्यता आहे. द्विजप्रिय संकष्टी चतुर्थी ही विघ्नहर्ता भगवान गणेशाच्या द्विजप्रिय स्वरूपाला समर्पित असते. संकष्ट या शब्दाचा अर्थ संकटातून मुक्ती असा होतो. या दिवशी भाविक गणेशाची मनोभावे पूजा करतात, त्यामुळे जीवनातील सर्व अडथळे दूर होऊन इच्छा पूर्ण होतात, असे मानले जाते.
संकष्टी चतुर्थी 2026 वेळ
दृक पंचांगानुसार, चतुर्थी तिथी 5 फेब्रुवारी रोजी उत्तररात्री 12.09 (AM) वाजता सुरू होईल आणि 6 फेब्रुवारी रोजी उत्तररात्री 12.22 (AM) वाजता समाप्त होईल. या दिवशी चंद्र कन्या राशीत असेल. सूर्योदय सकाळी 7 वाजून 13 मिनिटांनी तर सूर्यास्त संध्याकाळी 6 वाजून 34 मिनिटांनी होईल.
शुभ मुहूर्त
ब्रह्म मुहूर्त: पहाटे 5:22 वाजेपासून ते सकाळी 6:15 वाजेपर्यंत आहे. अभिजीत मुहूर्त: दुपारी 12:13 वाजेपासून ते 12:57 वाजेपर्यंत आहे. विजय मुहूर्त: दुपारी 2:25 वाजेपासून ते 3:08 वाजेपर्यंत आहे. अमृत काळ: दुपारी 3:32 वाजेपासूनते संध्याकाळी 5:11 वाजेपर्यंत आहे.
अशुभ वेळ (राहुकाल)
राहुकाल: दुपारी 1:57 वाजेपासूनते दुपारी 3:19 वाजेपर्यंत आहे. यमगंड: सकाळी 7:07 वाजेपासून ते सकाळी 8:29 वाजेपर्यंत आहे. गुलिक काळ: सकाळी वाजेपासून 9:51 ते सकाळी 11:13 वाजेपर्यंत आहे.
पूजा विधी आणि मंत्र
चतुर्थीच्या दिवशी गजाननाला दुर्वा, लाल फुले, मोदक, लाडू आणि दही-साखरेचा नैवेद्य अर्पण करावा. गणपतीला सिंदूर आणि तुपाचा लेप लावणे फलदायी ठरते. पूजेदरम्यान 'गं गणपतये नमः' आणि 'ओम द्विजप्रियाय नमः' या मंत्रांचा जप करावा. तसेच संकष्टनाशन गणेश स्तोत्र आणि गणेश अथर्वशीर्ष पठण करणे शुभ मानले जाते.
