लहानांपासून ते मोठ्यांपर्यंत सर्वांनाच चॉकलेट खायला आवडतं. सध्या बाजारात अनेक वेगवेगळ्या प्रकारचे चॉकलेट उपलब्ध असतात. मात्र डार्क चॉकलेट हे आरोग्य आणि शरीर या दोन्हीसाठी एक्दम उत्तम आहे. डार्क चॉकलेट खाण्याचे अनेक चांगले फायदे आहेत. हे चॉकलेट खाल्ल्याने रक्तातली शुगर प्रमाणात राहते. त्यामुळे डायबिटीज पेशन्ट देखील हे चॉकलेट खाऊ शकतात.
डार्क चॉकलेटमध्ये साखरेचे प्रमाण हे खूप कमी असतं आणि ते कोको सॉलिडपासून बनवलं जात. ज्यामध्ये कोको बियांचा समावेश असतो. चवीला जरी जरा कडू असलं तरी शरीरासाठी हे चॉकलेट चांगलं असतं.
डार्क चॉकलेटचे आरोग्यासाठीचे फायदे
हृदयासाठी डार्क चॉकलेटचे हे चांगले ठरते, कारण त्या डार्क चॉकलेटमध्ये फ्लॅव्होनॉईड्स असतात, जे रक्तदाब कमी करण्यास आणि हृदय निरोगी ठेवण्यास मदत करतात. डार्क चॉकलेटचे सेवन केल्याने बॅड कोलेस्ट्रॉल कमी होण्यास मदत होते, ज्याचा हृदयाला फायदा होतो.
ताणतणाव कमी करण्यासाठी डार्क चॉकलेट उपयुक्त असून ते मेंदूसाठी फायदेशीर ठरते. मूड खराब असेल तर डार्क चॉकलेट खाणे फायदेशीर मानले जाते. कधीकधी खूप थकल्यासारखं वाटतं तेव्हा डार्क चॉकलेट खाल्लं तर शरीराला आधार मिळतो. याचसोबत जर तुम्हाला स्ट्रेस आणि ताण कमी करायचा असेल तर तुम्ही बिनधास्त हे चॉकलेट खाऊ शकता.
डार्क चॉकलेट गोड खाण्याची इच्छा कमी करते कारण तिची चव कडू असते. त्यामुळे हे चॉकलेट थोड खाऊनही मनाला समाधान मिळते. यात साखर कमी आणि कोको जास्त असल्यामुळे रक्तातील साखर पटकन वाढत नाही आणि पुन्हा पुन्हा गोड खायची इच्छा होत नाही. यामधील फायबर आणि चांगले फॅट्स पोट भरल्यासारखी भावना देतात, त्यामुळे आपल्याला जास्त गोड पदार्थ खावेसे वाटत नाहीत.
