यापूर्वी नगरसेवक भूषवलेल्या माजी नगरसेवकांचे निवडून आलेले नातेवाईक
सचिन धानजी मुंबई : मुंबई महापालिकेच्या सार्वत्रिक निवडणुकीच्या आरक्षणात अनेकांना आरक्षणाचा फटका बसला आणि त्यामुळे मग कुणाला पत्नीला निवडणूक रिंगणात उतरावे लागले तर कुणाच्या पतीला, तर कुणाच्या मुलीला तर कुणाच्या अन्य नातेवाईकांना उमेदवारी मिळवत आपला गड कायम राखण्याचा प्रयत्न करावा लागला. त्यामुळे पक्षाकडून उमेदवारी मिळाल्यानंतर अनेकांनी आपले गड कायम राखत विजय मिळवला. त्यामुळे महापालिका सभागृहात मागील निवडणुकीत निवडून आलेल्या माजी नगरसेवकांचे नातेवाईकांचा प्रवेश झाला. मुंबई महापालिकेत अशाप्रकारे माजी नगरसेवकांचे सुमारे ५० नातेवाईक निवडून आले आहेत. मुंबई महापालिका निवडणुकीच्या रिंगणात माजी नगरसेवकांचे नातेवाईक उतरले. यातील काही नातेवाईक विजयी झाले तरी काहींना पराभव पत्करावा लागला. त्यामुळे काही माजी नरसेवकांना सभागृहात येण्याचे भाग्य लाभले नाही. परिणामी आपले गड काही माजी नगरसेवकांना गमवण्याची वेळ आली आहे.
शिवसेना : १०
दीक्षा हर्षद कारकर, डॉ. अदिती भास्कर खुरसुंगे, वर्षा स्वप्निल टेंबवलकर, रितेश कमलेश राय, शैला दिलीप लांडे, मिनल संजय तुर्डे, मानसी मंगेश सातमकर, वनिता दत्ताराम नरवणकर, यामिनी यशवंत जाधव, सुरेश आवळे
भाजप : १३
दक्षता श्रीकांत कवठणकर, मनिषा कमलेश यादव, तेजिंदर सतनाम तिवाना, ममता पंकज यादव, दिशा सुनील यादव, जगदिश्वरी जगदिश अमीन, अंजली अभिजित सामंत, अनिता नंदकुमार वैती, दिनेश बबलू पांचाळ, कशिश राजेश फुलवारिया, रोहिदास लोखंडे, गौरवी शिवलकर नार्वेकर, अजय किसन पाटील
उबाठा : १५
अंकित सुनील प्रभू, जीशान चंगेश मुलतानी, सबा हारुन खान, गितेश राऊत, शिवानी शैलेश परब, पूजा विश्वनाथ महाडेश्वर, श्रवरी सदा परब, सुनील सयाजी मोरे, स्वरपा तुकाराम पाटील, मिनाक्षी अनिल पाटणकर, अनिल लक्ष्मण कदम, निशिकांत गोविंद शिंदे, पद्मजा आशिष चेंबूरकर, योगिता प्रशांत कदम, राजोल पाटील
मनसे : ०१
सई सनी शिर्के,
राष्ट्रवादी काँग्रेस : ०१
बुशरा नदीम (कप्तान) मलिक,
समाजवादी पक्ष : ०१
अमरीन शेहझाद अब्राहनी,
काँग्रेस : ०७
अजंता यादव, राजा रहेबर सिराज, हैदर अली शेख डॉ. समन अरशद आझमी, आयेशा सुफियान वणू, साजिदाबी बब्बू खान, आशा दीपक काळे, नसीमा
जावेद जुनेजा