मोहित सोमण: येस बँकेने (Yes Bank) आपला तिमाही निकाल जाहीर केला आहे. बँकेच्या निव्वळ नफ्यात यंदा मजबूत वाढ झाली आहे. एक्सचेंज फायलिंगमध्ये दिलेल्या माहितीनुसार, बँकेच्या निव्वळ नफ्यात तिसऱ्या तिमाहीत इयर ऑन इयर बेसिसवर (YoY) ५५.४% वाढ झाली आहे. गेल्या डिसेंबरमध्ये असलेल्या ६१२ कोटींच्या तुलनेत या डिसेंबरमध्ये ९५२ कोटींवर निव्वळ नफा वाढला आहे. विशेष म्हणजे बँकेच्या तरतूदीत (Provision) इयर ऑन इयर बेसिसवर २५९ कोटीवरून २२ कोटीवर घसरण झाली आहे. बँकेच्या निव्वळ व्याज उत्पन्नात (Net Interest Income NII) इयर ऑन इयर बेसिसवर १०.९% वाढ झाली आहे. गेल्या वर्षीच्या तिमाहीतील २२२४ कोटी रुपये तुलनेत या तिमाहीत २४६६ कोटीवर वाढ झाली आहे. बँकेच्या बेसिक ईपीएस (Earning per share EPS) इयर ऑन इयर बेसिसवर ५५.३% वाढ झाल्याने ते ०.२० रूपये वरून ०.३० रूपयांवर पोहोचले आहे. आरओई (Return on Assets RoA) इयर ऑन इयर बेसिसवर ०.६% वरून ०.९% वाढ झाली आहे.
बँकेच्या निव्वळ एनपीए (Net Non Performing Assets NPA) इयर ऑन इयर बेसिसवर ०.५% वरून ०.३% वर घसरण झाली आहे. तर कासा गुणोत्तर (CASA Ratio) कासा गुणोत्तरात (Current Account Saving Account CASA Ratio) ३३.१% वरुन ३४.०% वर वाढ झाली आहे. बँकेच्या माहितीनुसार, बँकेच्या अँडव्हान्समध्ये इयर ऑन इयर बेसिसवर ५.२% वाढ झाली असून तिमाही बेसिसवर २.९% वाढ झाली आहे. तसेच एकूणच मूळ शुल्क उत्पन्न, क्रेडिट कार्ड शुल्क आणि थर्ड पार्टी उत्पादन वितरणातील चांगल्या कामगिरीमुळे, बिगर व्याज उत्पन्न (Non Interest Income) इयर ऑन इयर बेसिसवर ८% वाढून १६३३ कोटी रुपये इतके मजबूत राहिले. काल बँकेच्या शेअर्समध्ये २.१८% वाढ झाली असून तो २३.४५ रूपयांवर बंद झाला होता.
