मुंबई : हे मन बावरे, होणार सून मी या घरची यासारख्या प्रसिद्ध मालिकांमधला प्रसिद्ध अभिनेता शशांक केतकर हा नेहमी सोशल मिडीयावर कायम सक्रिय असतो. त्याच्या स्पष्टवक्तेपणासाठी देखील तो ओळखला जातो. सोशल मीडियाद्वारे तो दैनंदीन जीवनातील विविध गोष्टींवर, समस्यांवर आपली मत मांडत असतो.
या अभिनेत्याने नुकतच 'हे मन बावरे' या सीरिअलच्या निर्मात्यावर म्हणेजच मंदार देवस्थळी वर पैसे थकवण्याचे गंभीर आरोप केले होते. हे मन बावरे ही सीरिअल संपून जवळपास ७ वर्ष झाली तरी माझे ५ लाख काही मला मिळाले नाही. मंदारने सतत तारखा दिल्या तसेच पैसे देण्याच्या थापा मारल्या. अशी वक्तव्य करत, याबद्दलचे सर्व पुरावे त्याने आपल्या सोशल मीडिया अकाऊंट वरून चाहत्यांसोबत शेअर ही केले होते.
या अभिनेत्रीचेही थकवले पैसे
शशांक नंतर आणखी एका अभिनेत्रीचे लाख भर रुपये थकवल्याचे आता समोर आले आहे. ती अभिनेत्री म्हणजे अभिनेत्री म्हणजे विदिशा म्हसकर , सध्या पिंगा ग पोरी पिंगा या मालिकेत काम करत असणाऱ्या विदिशानेही शशांकच्या या पोस्टवर कमेंट करत लिहिले आहे की, माझेही टीडी सह जवळपास तीन लाख रुपये बाकी आहेत. त्यावेळी आम्ही बोललो म्हणून आम्हाला ट्रॉल केलं गेलं. चुकीचं ठरवलं गेलं. आपल्या इंडस्ट्री यामध्ये असं चालत असं ऐकवलं गेलं. नंतर ती गोष्ट सोडून आम्ही पुढे गेलो.
पुढे विदिशाने " जॉब बिझनेस आणि बाकी सगळ्या गोष्टींमध्ये कायदे आहते, पण मनोरंजन सृष्टीसाठी एकही नियम कायदा नाही. कामाच्या तासांपासून, सुट्टीपर्यंत, पगारांसाठी कशाचेच नियम नाहीत. मी या विषयासंबंधित खूप वकीलांशी बोलले आहे, पण तेसुद्धा म्हणतात की काही होऊ शकत नाही. मनोरंजन सर्वाना अविरत पाहिजे असत. पण त्यास्तही रोज १४- १४ तास आम करावं लागत. आम्ही तेही आनंदाने करतो; पण आमच्या कामाच्या बदल्यात हेच आम्हाला रोज मिळत. अश्या भावना तिने व्यक्त केल्या आहेत. शंशाक आणि विदिशा नंतर आणखी किती कलाकारांचे पैसे बुडवले आहेत हे नक्कीच बाहेर येईल.
