अकोट : राज्याच्या राजकीय वर्तुळातून एक सर्वात मोठी आणि धक्कादायक बातमी समोर येत आहे. अकोट मतदारसंघाचे भाजप आमदार प्रकाश भारसाखळे यांच्याविरोधात भाजप प्रदेशाध्यक्षांनी अत्यंत कठोर पाऊल उचलले आहे. अकोटमध्ये एमआयएम (MIM) सोबत झालेल्या युतीच्या पार्श्वभूमीवर पक्षाची शिस्त मोडल्याचा ठपका ठेवत आमदारांना 'कारणे दाखवा' नोटीस बजावण्यात आली आहे. या कारवाईमुळे केवळ अकोटमध्येच नव्हे, तर संपूर्ण विदर्भातील भाजप गोटात खळबळ उडाली आहे.
बॉलिवूडची सुप्रसिद्ध अभिनेत्री कतरिना कैफ (Katrina Kaif) आणि अभिनेता विकी कौशल (Vicky Kaushal) यांनी काही दिवसांपूर्वी गोंडस बाळाला जन्म दिला होता. आता नुकताच कतरिनाने ...
नेमकं प्रकरण काय?
मिळालेल्या माहितीनुसार, अकोटमध्ये स्थानिक पातळीवर एमआयएम आणि भाजप यांच्यात काही राजकीय तडजोडी झाल्याच्या चर्चा गेल्या काही दिवसांपासून रंगत होत्या. हिंदुत्ववादी विचारधारेचा पुरस्कार करणाऱ्या भाजपची एमआयएमसारख्या पक्षाशी झालेली ही जवळीक पक्षाच्या वरिष्ठ नेत्यांना आणि कार्यकर्त्यांना रुचलेली नाही. यामुळे पक्षाची प्रतिमा जनमानसात मलिन झाली असून, विरोधकांच्या हाती आयते कोलीत मिळाले असल्याचा ठपका प्रदेशाध्यक्षांनी ठेवला आहे.
प्रदेशाध्यक्षांचा आक्रमक पवित्रा
भाजप प्रदेशाध्यक्षांनी या प्रकरणाची गंभीर दखल घेत आमदार प्रकाश भारसाखळे यांना तातडीने नोटीस पाठवली आहे. "पक्षाच्या ध्येयधोरणांविरुद्ध जाऊन केलेली कोणतीही कृती खपवून घेतली जाणार नाही," असा स्पष्ट संदेश या नोटिशीतून देण्यात आला आहे. आमदारांना यावर स्पष्टीकरण देण्यासाठी ठराविक वेळ देण्यात आली असून, समाधानकारक उत्तर न मिळाल्यास त्यांच्यावर निलंबनाची किंवा हकालपट्टीची मोठी कारवाई होण्याची शक्यता वर्तवली जात आहे. महापालिकेच्या निवडणुका तोंडावर असतानाच स्वतःच्याच पक्षाकडून मिळालेल्या या नोटीसमुळे आमदार प्रकाश भारसाखळे यांच्या अडचणीत मोठी वाढ झाली आहे.
