प्रतिनिधी:उद्या ख्रिसमस निमित्त शेअर बाजार बंद असणार आहे.त्यामुळे नेहमीप्रमाणे बाजार परवा २६ डिसेंबरला उघडणार आहे. दोन्ही बीएसई व एनएसई शेअर बाजारात ही सुट्टी लागू असणार आहे. एकूण १६ बँक सुट्यांमध्ये नाताळ (ख्रिसमस) ही एक सुट्टी मानली जाते. बँकैलाही उद्या सुट्टी असल्याने गरजेचे बँकेतील प्रत्यक्ष व्यवहार ग्राहक परवा करू शकतील. याशिवाय शेअर बाजारातील गुंतवणूकदारांनाही परवा ट्रेडिंग करणे शक्य होणार आहे. दरम्यान बँकिंग सेवांच्या बाबतीत डिजीटल बँकिग सेवा खुल्या राहणार आहेत. युपीआय, एटीएम, इतर डिजिटल पेमेंटसाठी व्यवहार सुरळीत चालू राहणार असल्याचे स्पष्ट करण्यात आले आहे.
शेअर बाजाराव्यतिरिक्त कमोडिटी बाजार एमसीएक्स (Multi Commodity Exchange MCX) उद्या सकाळच्या सत्रासाठी बंद राहणार असून संध्याकाळचे सत्र नेहमीप्रमाणे सुरु राहणार आहे. त्यानंतर शेअर बाजार थेट २६ जानेवारी प्रजासत्ताक दिनाच्या निमित्ताने बंद राहणार आहे. दरम्यान आज शेअर बाजार घसरणीकडे वळला असला तरी विश्लेषकांच्या मते, शेअर बाजार येणाऱ्या ट्रेडिंग सत्रात चांगली कामगिरी करेल.
