मोहित सोमण:आयसीआयसीआय प्रुडेंशियल असेट मॅनेजमेंट कंपनी लिमिटेड (ICICI Prudential Asset Management Company AMC) आयपीओचे आज जबरदस्त लिस्टिंग झाले आहे. कंपनी २०.०९% प्रिमियमसह २६०० रूपये प्रति शेअरवर सूचीबद्ध (Listed) झाली आहे. त्यामुळे मूळ प्राईज बँड असलेल्या २१६५ रूपये प्रति शेअर तुलनेत २०% प्रिमियम दरासह शेअर २६०० रूपयांना शेअर सूचीबद्ध झाला. १२ ते १५ डिसेंबर कालावधीत आलेल्या १०६०२.६५ कोटींच्या आयपीओला ३९.१७ पटीने सबस्क्रिप्शन मिळाले होते. एकूण पब्लिक इशूपैकी रिटेल गुंतवणूकदारांकडून २.५३ पटीने, पात्र संस्थात्मक गुंतवणूकदारांकडून १२४.८७ पटीने, विना संस्थात्मक गुंतवणूकदारांकडून २२.०४ पटीने सबस्क्रिप्शन मिळाले आहे. त्यामुळेच कंपनीच्या आयपीओला मोठ्या प्रमाणात मागणी कायम होती परिणामी आयपीओची ग्रे मार्केट मधील शेवटची जीएमपी (Grey Market Price GMP) २६८५ रूपये होती. त्यामुळे थोड्याशा कमी पातळीवर बाजारात शेअर सूचीबद्ध झाला आहे.
आज १९ डिसेंबरला सूचीबद्ध झालेल्या या आयपीओत संपूर्णपणे ४.९० कोटी शेअर ओएफएस (Offer for sale OFS) विक्रीसाठी उपलब्ध होते. रिटेल गुंतवणूकदारांना किमान १२९९० रूपयांची गुंतवणूक अनिवार्य करण्यात आली होती. कंपनीने आयपीओआधीच ३०२१.७६ कोटींचा निधी अँकर गुंतवणूकदारांकडून प्राप्त करण्यात आली होती. १९९३ मध्ये स्थापन झालेली आयसीआयसीआय प्रुडेन्शियल एएमसी ही एक देशातील सर्वात मोठी मालमत्ता व्यवस्थापन कंपनी (AMC) कंपनी आहे.आयसीआयसीआय प्रुडेन्शियल एएमसीकडे सक्रिय त्रैमासिक सरासरी व्यवस्थापनाधीन मालमत्ता (QAAUM) आहे. ३० सप्टेंबर २०२५ पर्यंत त्यांची QAAUM १०१४७.६ अब्ज इतकी होती.
आर्थिक बाबतीत कंपनीला आर्थिक वर्ष २४-२५ मधील मार्चपर्यंत इयर ऑन इयर बेसिसवर ३२% महसूल अधिक मिळाला असून कंपनीच्या करोत्तर नफ्यात इयर ऑन इयर बेसिसवर २९% अधिक वाढ झाली होती.
ही कंपनी परदेशी ग्राहकांना पोर्टफोलिओ व्यवस्थापन सेवा (PMS), पर्यायी गुंतवणूक निधी (AIF) आणि सल्लागार सेवा प्रदान करते. ही कंपनी म्युच्युअल फंड उद्योगामध्ये सर्वाधिक योजनांचे व्यवस्थापन करते. ३० सप्टेंबर, २०२५ पर्यंत, त्यांच्याकडे १४३ योजना आहेत, ज्यात ४४ इक्विटी आणि इक्विटी-आधारित योजना, २० डेट योजना, ६१ पॅसिव्ह योजना, १५ देशांतर्गत फंड-ऑफ-फंड योजना, एक लिक्विड योजना, एक ओव्हरनाईट योजना आणि एक आर्बिट्राज योजनेचा समावेश आहे.
