दुबई :आयपीएलचा लिलाव अखेर पार पडला.या लिलावात मुंबई इंडियन्सच्या संघाने चाणाक्ष खेळी केली.मुंबई इंडियन्सकडे जास्त पैसे नव्हते,पण तरीही त्यांना फार कमी पैशांत जबरदस्त खेळाडू आपल्या ताफ्यात दाखल केले आहेत. मुंबई इंडियन्सच्या संघाकडे लिलावासाठी तीन कोटी रुपयेही नव्हते.त्यामुळे मुंबईला या लिलावात नामांकित खेळाडू घेता आले नाही,पण तरीही मुंबईच्या संघाने यावेळी आपल्याकडे असलेल्या कमी पैशांतही चांगल्या खेळाडूंना संघात स्थान दिले आहे.दक्षिण आफ्रिकेचा धडाकेबाज फलंदाज आणि यष्टीरक्षक क्विंटन डीकॉकला त्यांनी आपल्या ताफ्यात दाखल करून घेतले,पण त्यासाठी फक्त त्यांनी एक कोटी रुपयेच खर्च केले.त्यानंतर मुंबईच्या संघाने महाराष्ट्राच्या दानिश मालिवारलाही आपल्या ताफ्यात सामील केले आहे.त्याचबरोबर अथर्व अंकोलेकर, मयंत रावत आणि मोहम्मद इझहार यांनाही मुंबईने आपल्या संघात दाखल केले आहे.
आयपीएल २०२६ लिलावात मुंबई इंडियन्सने खरेदी केलेल्या खेळाडूंची संपूर्ण यादी: क्विंटन डी कॉक (१ कोटी रुपये), दानिश मालेवार (३० लाख रुपये), मोहम्मद इझहार (३० लाख रुपये), अथर्व अंकोलेकर (३० लाख रुपये), मयंक रावत (३० लाख रुपये).
राखून ठेवलेले खेळाडू: हार्दिक पांड्या, रोहित शर्मा, सूर्यकुमार यादव, टिळक वर्मा, रायन रिकलटन, रॉबिन मिन्झ, मिचेल सँटनर, कॉर्बिन बॉश, नमन धीर, जसप्रीत बुमराह, ट्रेंट बोल्ट, अल्लाह गफनझार, अश्वनी कुमार, दीपक चहर, विल जॅक्स, रघु शर्मा, राज अंगद बावा.
देवाण घेवाण करून संघात घेतलेले खेळाडू: शेर्फेन रदरफोर्ड (गुजरात टायटन्स संघाकडून), मयंक मार्कंडे (केकेआर संघाकडून), शार्दुल ठाकूर (लखनौ सुपर जायंट्स संघाकडून).
