मोहित सोमण: कोरोना रेमिडीज आयपीओचे आज जबरदस्त प्रिमियम दरात सूचीबद्ध (Listing) झाले आहे. सकाळी सत्राच्या सुरुवातीलाच शेअर ३८% प्रिमियम दराने यशस्वी ठरला. मूळ प्राईज बँड १०६२ तुलनेत ३८% प्रति शेअर दरासह शेअर १४७० रूपयांना सूचीबद्ध झाला. ८ ते १० डिसेंबर दरम्यान उपलब्ध असलेल्या आयपीओला (IPO) १३७.०४ पटीने सबस्क्रिप्शन मिळाले होते. ११ डिसेंबरला पात्र गुंतवणूकदारांना समभागाचे वाटप (Allotment) करण्यात आले. आज १५ डिसेंबरला शेअर सूचीबद्ध झाला आहे. किरकोळ गुंतवणूकदारांना किमान १४८६८ रूपये गुंतवणूक करणे आयपीओसाठी अनिवार्य करण्यात आले होते. या फार्मा उत्पादन कंपनीला एकूण १४४.५४ पटीने सबस्क्रिप्शन मिळाले होते ज्यामध्ये किरकोळ अथवा रिटेल गुंतवणूकदारांकडून ३०.३९ पटीने, पात्र संस्थात्मक गुंतवणूकदारांकडून २९३.८० पटीने, विना संस्थात्मक गुंतवणूकदारांकडून २२०.१८ पटीने सबस्क्रिप्शन मिळाले. कंपनीच्या महसूलात इयर ऑन इयर बेसिसवर आर्थिक वर्ष २०२४-२५ मध्ये १८% वाढ झाली असून करोत्तर नफ्यात (PAT) ६५% वाढ नोंदवली गेली.
शेअर सूचीबद्ध होण्यापूर्वी शेवटची ग्रे मार्केट किंमत (GMP) ३२.२५% होती. या अपेक्षेलाही मागे टाकत दमदार पदार्पण शेअरने बाजारात केले आहे. एकूण ६५५.३७ कोटी बूक व्हॅल्यु मूल्यांकन असलेल्या या आयपीओत नवीन शेअर भांडवल ऑफर करण्यात आले नव्हते तर संपूर्ण आयपीओत ०.६२ कोटीचे शेअर गुंतवणूकदारांसाठी दाखल झाले होते. आयपीओपूर्वी कंपनीने अँकर गुंतवणूकदारांकडून १९४.८६ कोटी निधी प्राप्त केला होता.
ऑगस्ट २००४ मध्ये स्थापन झालेली कोरोना रेमेडीज लिमिटेड ही महिला आरोग्यसेवा, हृदयरोग, वेदना व्यवस्थापन, मूत्रविज्ञान आणि इतर उपचारात्मक क्षेत्रांमध्ये उत्पादने विकसित करणारी, उत्पादन करणारी आणि विपणन करणारी एक औषध कंपनी आहे. उपलब्ध माहितीनुसार ३० जून २०२५ पर्यंत, कंपनीच्या वैविध्यपूर्ण पोर्टफोलिओमध्ये महिला आरोग्यसेवा, हृदयरोग-मधुमेह, वेदना व्यवस्थापन, मूत्रविज्ञान आणि मल्टीस्पेशालिटी फार्मास्युटिकल्स ,जीवनसत्त्वे/खनिजे/पोषण, गॅस्ट्रोइंटेस्टाइनल आणि श्वसन यासारख्या उपचारात्मक क्षेत्रांमध्ये ७१ ब्रँड समाविष्ट आहेत.
